| e-texts navigator |
| Wylie |
281b1 ཟླ་བ་ཟླ་བར་རྫོགས་པར་བྱས་ན་གཏེར་ཆེན་པོ་མཐོང་བར་བྱེད་དོ། ། ཉི་མ་བདུན་གྱིས་གསེར་སྟོང་རྙེད་དོ།། ཕྱོགས་ཀྱི་ཡུལ་རྙེད་དོ།། བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པར
281b2 ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པ། དཔལ་བེའུ་ཞེས་བྱ་བའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ།། ། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ
281b3 སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་དུ། བཅོམ་ལྡན་འདས་མའི་རྟོག་པའི་རྒྱལ་པོ་ཆེན་པོར། མི་འཇིགས་པ་སྦྱིན་པ་ཞེས་བྱ་བའི་སྔགས་ཀྱི་རྒྱལ་པོ་གསུངས་སོ།།
281b4 ན་མོ་རཏྣ་ཏྲ་ཡཱ་ཡ། ན་མ་ཨཱ་རྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། གོ་པ་ཏི་པ་ཏི། ཙ་ར་པ་ཏི་པ་ཏི། ཤ་ས་ནི། ཤ་ས་ནི། བྷཱུ་བྷྱཱ། ཙི་ལི་ཙི་ལི་ཙི་ལཱ་པ
281b5 ཡ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་དང་བཅས་པ་སྟེ། མི་འཇིགས་པ་སྦྱིན་པ་ཞེས་བྱ་བའི་སྔགས་ཀྱི་རྒྱལ་པོ་ཆེན་པོ་རྟག་ཏུ་བཟླས་པས་ས་པའི་རྒྱལ་པོར་འགྱུར་རོ།། འདིའི་སྒྲུབ་ཐབས་ཀྱི་ཆོ་གར་འགྱུར་བ་ནི་རས
281b6 ལ་ལི་ཁྲིའི་ཕྱེ་མ་དང་བསྲེས་པའི་ཚོན་གྱིས་འཕགས་པ་སྤྱན་རས་གཟིགས་དབང་ཕྱུག་འདྲིར་གཞུག་པར་བྱ་སྟེ། རལ་པ་གྱེན་དུ་བརྫེས་པ། རིལ་བ་སྤྱི་བླུགས་ཕྱག་ན་བསྣམས་པ། གཞོགས་སུ་སོན་པ། པདྨའི
281b7 གདན་ལ་བཞུགས་པ། མི་འཇིགས་པ་རབ་ཏུ་སྦྱིན་པའོ།། དེ་ནས་རས་རིས་དེ་རིང་བསྲེལ་དང་བཅས་པའི་མཆོད་རྟེན་ལ། མཆོད་རྟེན་གྱི་བྱང་དུ་བཞུགས་ནས་འདི་ཉིད་ཀྱིས་ཇི་ལྟར་འབྱོར་པའི་མཆོད་པ་བྱས་ནས
iiif viewer powered by OpenSeadragon
