| e-texts navigator |
| Wylie |
278a1 བསྣམས་པ། ཕྱག་གཡས་པས་བགྲང་འཕྲེང་བསྣམས་པ། སྐུ་མདོག་དཀར་པོའོ།། རྩུབ་པ་པོའང་སྔར་བཞིན་ནོ།། རས་རིས་དང་པོའི་གནས་སུ་བཞག་ནས་འབུམ་ཕྲག་ལྔ་བཟླས་པར་བྱའོ།། སྔོན
278a2 དུ་བསྙེན་པ་བྱས་པར་འགྱུར་རོ། ། རིའི་རྩེ་མོར་ཉི་མ་གསུམ་དུ་མི་བཟའ་བར་སྟོང་ཕྲག་ཉི་ཤུ་བཟླས་པར་བྱ་སྟེ། གསེར་སྟོང་རྙེད་པར་འགྱུར་རོ།། ཙན་དན་དཀར་པོའི་ཚོན་གྱིས་འཕགས་པ་སྤྱན་རས་གཟིགས་དབང་ཕྱུག་སྔར
278a3 བརྗོད་པ་བཞིན་འདྲིར་གཞུག་པར་བྱའོ། ། དེའི་སྤྱན་སྔར་ཙན་དན་དཀར་པོའི་ཞོགས་མ་དང་བཅས་པ་འབུམ་ཕྲག་གསུམ་སྦྱིན་སྲེག་བྱས་ན་རྒྱལ་སྲིད་རྙེད་དོ།། མ་གྲུབ་ན་གྲོང་རྙེད་དེ། ཡངས་པ་དང་ལྡན་པའི་ཏིང་ངེ་འཛིན་གྱི
278a4 རྒྱལ་པོ་སྒོམ་བཞིན་པ་ལའོ། ། བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པར་འདོད་ཅིང་དོན་དུ་གཉེར་བ་སྦྱིན་པའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ།།
278a5 དེནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་དུ། བཅོམ་ལྡན་འདས་མ་སྒྲོལ་མ་རལ་པ་གྱེན་བརྗེས་ཀྱི་རྟོག་པའི་རྒྱལ་པོ་ཆེན
278a6 ། པོར་རས་རིས་ཀྱི་གནས་ཞེས་བྱ་བའི་རིག་པའི་རྒྱལ་པོ་ཆེན་པོ་གསུངས་སོ།། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཀ་ཊེ་ནི་ཀ་ཊེ། ཀ་ཊཾ་ཀ་ཊེ། ཛྱོ་ཏི།
278a7 ཏིཥྛ་ཏཱི། བི་པུ་ལེ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་རས་རིས་ཀྱི་གནས་ཞེས་བྱ་བའི་རིག་པའི་རྒྱལ་པོ་ཆེན་པོའོ།། རྟག་ཏུ་བཟླས་པས་དོན་སྦྱིན་པར་བྱེད་ཅིང་སྡིག་པ་ཐམས་ཅད་རྣམ་པར་འཇོམས་པར་བྱེད་པ་གྲུབ་པར
iiif viewer powered by OpenSeadragon
