| e-texts navigator |
| Wylie |
276b1 འདིའི་ཆོ་ག་ནི་རིང་བསྲེལ་དང་བཅས་པའི་མཆོད་རྟེན་ལ་མལླི་ཀའི་མེ་ཏོག་རེ་རེ་ལ་ཡོངས་སུ་བཟླས་ནས་མཆོད་རྟེན་གྱི་དྲུང་དུ་གཏོར་བར་བྱརོ།། ཐུན་གསུམ་དུ་སྟོང་ཕྲག་བརྒྱད་གཏོར་ན་ཟླ་བའི་ནང་དུ་གསེར་བརྒྱ་རྙེད་དོ།།
276b2 རས་རིས་ཀྱི་ཆོ་གར་འགྱུར་བ་ནི་རས་ལ་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་རལ་པ་གྱེན་དུ་བརྫེས་པ། ཕྱག་ན་སྤྱི་བླུགས་བསྣམས་པ། པདྨའི་གདན་ལ་བཞུགས་པ་འདྲིར་གཞུག་པར་བྱའོ།།
276b3 རས་རིས་དེས་གྲོང་ངམ་དགོན་པར་ཨ་ཤྭཏྠའི་ཤིང་གི་འོག་ཏུ་གཙང་མའི་ཕྱོགས་སུ་བཞུགས་ནས་སྲ་རྩི་པོག་གི་སྲེག་བླུགས་འབུམ་ཕྲག་བདུན་སྦྱིན་སྲེག་བྱས་ན་བཅོམ་ལྡན་འདས་ཀྱིས་མྱུར་དུ་རྒྱལ་སྲིད་སྩོལ་བར
276b4 འགྱུར་རོ། ། ཞེས་པ་དེ་རྣམ་པ་ལྔ་པོ་ཙམ་ནི་བཅོམ་ལྡན་འདས་མ་འཕགས་མ་སྒྲོལ་མའི་རྩ་བའི་རྟོག་པར། ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པ། མི་འཇིགས་པ་རབ་ཏུ་སྦྱིན་པ་རྫོགས་སོ།། །
276b5 ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་བསྒོམས་ནས། བཅོམ་ལྡན་འདས་མའི
276b6 རྟོག་པའི་རྒྱལ་པོ་ཆེན་པོར་ཨོཾ་ཡིག་རབ་ཏུ་འབྱུང་བ་ཞེས་བྱ་བའི་རིག་པའི་རྒྱལ་པོ་ཆེན་པོ་གསུངས་སོ། ། ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་སྱ། ཏ་ཐཱ་ག་ཏཱ་ཡ། ཨརྷ་ཏེ། ས་མྱཀ་སཾ་བུདྡྷ་སྱ། ན་མ་ཨཱརྱ་ཨ་བ་ལོ
276b7 ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨ་མུཀྟེ། ཙཙྪ་ད་ནེ། མཱ་དྷེ་ནི་མ་དྷེ་ནི། སུ་རུ་དྷི། རུ་ཏ་མཱ་ཡ། དྷཱ། རཱི། ཧུ་ཧུ། ཧུ་ཧུ། མ་ཐ་མ་ཐ་མ་ཐེ། ཨོཾ་ར་པྲ་མུ་ཁ། པཱ་ལ།
iiif viewer powered by OpenSeadragon
