| e-texts navigator |
| Wylie |
272a1 ཟས་བཅུ་གཉིས་བཟའ་བར་བྱའོ། ། དེ་ནས་སྲོང་དེར་དེ་ལྟ་བུ་ལ་སོགས་པའི་མཆོད་པའི་ཆོ་ག་བྱས་ནས། དེ་ནས་གུར་ཀུམ་བྱུགས་ལ་དེར་ཨུཏྤལ་སྔོན་པོའི་ཁ་དོག་དང་མཚུངས་པའི་སྲ
272a2 མའི་མེ་ཏོག་གི་འཕྲེང་བ་ཕུལ་ནས་མཆོད་རྟེན་གྱི་སྤྱན་སྔར་ནག་པོའི་བཅུ་བཞི་འམ། ཟླ་བ་ཉ་བ་ལ་ལག་པ་གཡས་པས་རལ་གྲི་བཟུང་ནས་ཀུ་ཤའི་ཁྲེས་ལ་ཉེ་བར་འདུག་སྟེ་སྟོང་ཕྲག་བརྒྱད་བཟླས་པར་བྱའོ།།
272a3 མཐར་གྲུབ་པའི་མཚན་མ་ནམ་མཁའ་ནས་ལེགས་སོ་ལེགས་སོ་ཞེས་བྱ་བའི་ཚིག་ཐོས་པར་འགྱུར་རོ།། དེ་ནས་རལ་གྲི་འབར་བར་འགྱུར་ཏེ་སྐད་ཅིག་དེ་ཉིད་ལ་ལྷའི་ལུས་འཁོར་དང་བཅས་པར་འགྱུར་རོ།།
272a4 བསྐལ་པ་ཆེན་པོར་གནས་སོ།། དེ་ནས་རལ་གྲི་འགུལ་ལམ་མཆོད་རྟེན་གཡོ་བར་བྱེད་ན་མིའི་རྒྱལ་པོར་འགྱུར་རོ།། ཡང་ན་གང་འདོད་ཅིང་དོན་དུ་གཉེར་བ་དེ་རྙེད་ཅིང་། དོན་དུ་གཉེར་བ་དེ་འགྲུབ་སྟེ་དངོས་གྲུབ་ཀྱི
272a5 ཡུལ་རྙེད་དོ། ། བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པར། ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་ལས་ངེས་པར་སྐྱེས་པ། པདྨ་ཀུན་ཏུ་སྣང་བ་ཞེས་བྱ་བའི
272a6 རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ། ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་འཛིན་གྱི
272a7 རྒྱལ་པོ་སྒོམ་བཞིན་དུ། བཅོམ་ལྡན་འདས་མ་རིག་པའི་རྒྱལ་པོ་ཆེན་པོ་རྟོག་པའི་རྒྱལ་པོར་དཔེ་བྱད་བརྒྱད་ཅུ་རྗེས་སུ་བྱེད་པ་ཞེས་བྱ་བའི་རིག་པའི་རྒྱལ་པོ་ཆེན་པོ་གསུངས་སོ།། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་པ
iiif viewer powered by OpenSeadragon
