| e-texts navigator |
| Wylie |
271a1 རིང་བསྲེལ་དང་བཅས་པའི་མཆོད་རྟེན་གྱི་དྲུང་དུའམ། རིའི་རྩེ་མོ་འམ། རྒྱ་མཚོར་འགྲོ་བའི་ཆུ་ཀླུང་གི་འགྲམ་མམ། ཆུའི་དབུས་སམ། གླིང་དུ་འོ་མ་དང་ནས་ཟན་ཟ་བས་འདི
271a2 ཉིད་ཀྱི་ཐམས་ཅད་བྱས་ལ་འབུམ་བཟླ་བར་བྱ་སྟེ། སྔོན་དུ་བསྙེན་པ་བྱས་པར་འགྱུར་རོ།། དེ་ནས་མིག་སྨན་དང་། ལྡོང་རོས་དང་། གིའུ་ཝང་སྟེ། དེ་རྣམས་གཅིག་ཏུ་བྱས་ལ་ཨ་ཤྭཏྠའི་འདབ་མས
271a3 གཏུམས་ཏེ་རིང་བསྲེལ་དང་བཅས་པའི་མཆོད་རྟེན་ལ་མཆོད་པ་བྱས་ནས། ཐུན་གསུམ་དུ་ཀུ་ཤའི་ཁྲེས་ལ་ཉེ་བར་འདུག་སྟེ་རྫས་ལ་ཉི་མ་ཉི་ཤུ་རྩ་གཅིག་ཁོ་ནར་བཟླས་པར་བྱའོ།། དྲོ་བར་གྱུར་པ་དང
271a4 དུ་བ་འཐུལ་བ་དང་། འབར་བར་གྱུར་ན་གྲུབ་པ་ཡིན་ཏེ། དང་པོས་ནི་དབང་དུ་བྱེད་དོ།། གཉིས་པས་ནི་མི་སྣང་བར་འགྱུར་རོ།། གསུམ་པས་ནི་ནམ་མཁའ་ལ་འགྲོའོ།། རས་རིས་རབ་ཏུ་འགུལ་ན་རྒྱལ་སྲིད
271a5 རྙེད་དོ། ། བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པར། ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པ། འོད་ཟེར་དང་ལྡན་པ་ཞེས་པའི་རྟོག་པའི་རྒྱལ་པོ
271a6 ཆེན་པོ་རྫོགས་སོ། ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ
271a7 སྒོམ་པར་བྱེད་བཞིན་དུ། བཅོམ་ལྡན་འདས་མ་རིག་པའི་རྒྱལ་མོ་ཆེན་པོར་རྟོག་པའི་རྒྱལ་པོར་པདྨ་ཀུན་ཏུ་སྣང་བ་ཞེས་བྱ་བའི་རིག་པའི་རྒྱལ་པོ་ཆེན་པོ་གསུངས་སོ།། ན་མཿསུ་བརྣ་བ་བྷཱ་སཱ་ཡ། ཏ་ཐཱ་ག་ཏཿ།
iiif viewer powered by OpenSeadragon
