| e-texts navigator |
| Wylie |
268a1 ཨཱརྱ་ཨ་བ་ལོ་ཀི་ཏེ་ཤྭ་རཱ་སཏྱེ་ན། སིདྡྷནྟྲ་མེ་མནྟ་པ་དཱ་ཕཊ་ཕཊ་ཡཱ། མུ་ནི་མུ་ནཱ་ཡ། ས་མ་ཐ་ས་མཱ་ཡ། ཨུདྡྷ་རཾ་ཏེ་ཀོ་ཀ་རཱནྟེ་མ་ནུ་སྨཱ་ར་ཏྲ། ཧྲྀ་ད་ཏ་ས་ཀཱ་རཱ་ཊོ་ཊཾ། ཀ་ཊ་ཊཾ་སྭཱ་ཧཱ། འདི་ནི་མཐུ་ཆེན
268a2 པོ་ཐོབ་པ་འཇུག་པར་བྱེད་བཞིན་པ་ཞེས་བྱ་བའི་རིག་པའི་རྒྱལ་པོ་ཆེན་པོ་བཟླས་པས་གདུག་པ་དེ་ཐམས་ཅད་འཇིགས་པར་བྱེད་པ། དུག་ཐམས་ཅད་འཇོམས་པར་བྱེད་པ། གདོན་དང་རིག་པ་ཐམས་ཅད་ཟློག་པར་བྱེད
268a3 པ། མདོར་ན་རེ་བ་ཐམས་ཅད་ཡོངས་སུ་རྫོགས་པར་བྱེད་པའོ།། དེ་ནས་འདིའི་སྒྲུབ་པ་འབྱུང་བར་འགྱུར་ཏེ། བཅོམ་ལྡན་འདས་སྤྱན་རས་གཟིགས་དབང་ཕྱུག་འདྲིར་གཞུག་པར་བྱ་སྟེ། སྐུ་མདོག་དཀར་པོ། རལ་པ་དུད
268a4 ཁ། བཞིན་རབ་ཏུ་འཛུམ་པ། ཕྱག་གཡས་པས་མཆོག་སྦྱིན་པ། ཕྱག་གཡོན་པས་པདྨ་བསྣམས་པ། གསེར་གྱི་ཐེམ་སྐས་བཟང་པོ་ལས་འཇུག་པར་བྱེད་བཞིན་པ་བྲི་བར་བྱའོ།། ངང་པ་དང་། བྱ་ཀུ་ར་བ་དང་། ངུར
268a5 པ་དང་། ཤང་ཤང་ཏེའུ་དང་། ནེ་ཙོ་ལ་སོགས་པ་རབ་ཏུ་བསྔགས་པའི་བྱ་རྣམས་གཡས་ཀྱི་གཡས་སུ་འཇུག་པ་སྐོར་བ་བྱེད་པ་བྲི་བར་བྱའོ།། མི་འམ་ཅི་གཉིས་གླུ་ལེན་བཞིན་པ་བྲི་བར་བྱ་སྟེ། གཡོན་པས་རྣ་བ
268a6 འགེབས་པ་བྲི་བར་བྱའོ། ། སྒྲུབ་པ་པོའང་འོག་ཏུ་ཁ་ཕྱོགས་པ། སྤོས་ཕོར་ལག་ན་ཐོགས་པ། བཅོམ་ལྡན་འདས་འཇུག་པར་བྱེད་བཞིན་པ་ལ་ལྟ་བར་བྱེད་པ། པུས་མོ་བཙུགས་པ། གཡས་ཀྱི་འོག་ཏུ་བྱང་ཆུབ་སེམས
268a7 དཔའི་ལུས་ལས་འོད་ཀྱིས་མནན་པ་བྲི་བར་བྱའོ། ། རྣམ་པ་དེ་ལྟ་བུའི་རས་རིས་འདྲིར་བཅུག་ནས་སྔར་བརྗོད་པའི་གནས་སུ་རས་རིས་བཞུགས་སུ་གསོལ་ཏེ། ཡང་དག་པར་བརྩམ་པར་བྱའོ།། ན་མོ་རཏྣ་ཏྲ་ཡཱ་ཡ།
iiif viewer powered by OpenSeadragon
