| e-texts navigator |
| Wylie |
265a1 བུ་དང་། ནོར་བུ་བཟང་པོ་དང་། བཟང་འགྲོའི་བུ་དང་། བྱམས་པའི་བུ་དང་། དཔའ་བོ་བཟང་པོའི་བུ་དང་། ཚངས་པ་དང་། ཆུ་ལ་སེམས་ཏེ། དེ་ལྟ་བུ་ལ་སོགས་པ་གནོད་སྦྱིན་གྱི་རྒྱལ་པོ
265a2 མང་པོ་འདྲིར་གཞུག་པར་བྱ་སྟེ། ཁུག་མ་དང་ས་བོན་གྱིས་གང་བ་ཕྱག་ན་བསྣམས་པའི་གནོད་སྦྱིན་གྱི་སྡེ་དཔོན་རྣམས་ཉེ་བར་འདུག་པར་བྱའོ།། གཡོན་གྱི་གཞོགས་སུ་རྣམ་པར་རྒྱལ་བའི་མཐའ་དང་། སྡོང་པོ་དང
265a3 རྣམ་རྒྱལ་ཐོབ་པ་དང་། མ་འགགས་པ་དང་། མཁའ་ལྡིང་རྒྱལ་པོ་ཞེས་པ་གནོད་སྦྱིན་གྱི་སྡེ་དཔོན་འདི་རྣམས་ཐམས་ཅད་སྔར་བཞིན་ཁ་དོག་ལྗང་ཁུའོ།། བཅོམ་ལྡན་འདས་ཀྱི་གཡས་སུ་རིག་པ་འཛིན་པའང་ལག
265a4 ན་སྤོས་པོར་ཐོགས་པ་སྔར་བཞིན་ནོ། ། རྒྱུ་སྐར་སྐག་ལ་འདྲིར་གཞུག་པར་བྱའོ།། དེ་ནས་རས་རིས་རིང་བསྲེལ་དང་བཅས་པའི་མཆོད་རྟེན་ནམ། ཕྱོགས་གཙང་མ་གཞན་དུ་བཞུགས་སུ་གསོལ་ནས། སྔགས
265a5 འདིས་སྤྱན་དྲང་བར་བྱའོ། ། ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷ་ཡ། ན་མཿཡཀྵ་སེ་ནཱ་པ་ཏ་ཡེ། ན་མ་ཨཱརྱ་ཡ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཛ་ཡ་བི་ཛ་ཡེ་ཨཱ་གུ་རུ་ཨེ་ཧི་ཨེ་ཧི་སྠཱ་ནཱ།
265a6 སྱཱ་ཀྲ་མ། བི་ཛ་ཡེ། བ་ཧ་ཤཱནྟི་ཀ་ར་སྭཱཧཱ། སྔགས་འདིས་བཅོམ་ལྡན་འདས་དང་གནོད་སྦྱིན་ཐམས་ཅད་སྤྱན་དྲུང་བར་བྱའོ།། ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ན་མཿསརྦ་ཡཀྵ་སེ་ན་པ་ཏ་ཡེ། ན་མོ་ན་མ་ཨཱརྱཿ
265a7 ལོ་ཀི་ཏེ་ཤྭ་ར་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡེ། ར་ར་རར་ཤཱནྟི་བི་ཛ་ཡེ་སྭཱ་ཧཱ། འདིས་དྲི་དང་བདུག་པ་ལ་སོགས་པ་ཐམས་ཅད་དབུལ་བར་བྱའོ།། དེ་བཞིན་དུ་རས་རིས་ཀྱི་སྤྱན་སྔར་འབུམ
iiif viewer powered by OpenSeadragon
