| e-texts navigator |
| Wylie |
264b1 ཆེན་པོས་ཕ་རོལ་གནོན་པའི་གསང་སྔགས་འདི་གསུངས་པ་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གང་དུ་གནས་པ་བཀུག་ནས། གནོད་སྦྱིན་ཐམས་ཅད་ཀྱི་དབང་པོ་བྱང་ཆུབ་སེམས་དཔའི
264b2 མཐུ་ལས་ཕྱག་ན་རྡོ་རྗེས་གསང་བའི་དབང་པོ་ཕྲན་ཚོགས་མ་ཡིན་པ་ཉིད་ཀྱིས་རྫུ་འཕྲུལ་ཆེན་པོ་དང་ལྡན་པས་ཚིག་འདི་སྨྲས་སོ། ། སེམས་ཅན་གྱི་དོན་ལ་བརྩོན་པར་སེམས་པས་གང་ལ་ལ་སྒྲོལ་མ་སྒྲུབ་པདེའི་དངོས་གྲུབ
264b3 ངེས་པར་བྱིན་ཅིག། ཕྱེད་ཕྱེད་རྟག་ཏུ་ཕན་པས་བྱའོ།། སེམས་ཅན་ཐམས་ཅད་ཀྱིས་དེ་དྲན་པར་བྱས་ནས་ལྷ་མོ་སྒྲོལ་མ་འདི་ལུས་ཅན་རྣམས་བསྲུང་བ་དང་། བསྒྲུབ་པ་དང་། སྦ་བར་བྱའོ།། གང་བདག་གི་བཀའ་མི་བྱེད
264b4 ན་ཕྱག་ན་རྡོ་རྗེ་གསང་བའི་བདག་པོ་དང་། རྡོ་རྗེ་འཆང་བ་སྟོབས་ཆེན་པོས་མགོ་ཚལ་པ་བདུན་དུ་འགས་པར་འགྱུར་རོ།། ཐམས་ཅད་མཁྱེན་པའི་ཡེ་ཤེས་སྔོན་མ་ཅན་འདི་ནི་མཐུ་ཆེན་པོ་ཐོབ་པ། གནོད་སྦྱིན་མ་ཐམས་ཅད
264b5 འགུགས་པར་བྱེད་པ་ཞེས་བྱ་བའི་རིག་པའི་རྒྱལ་པོ་བཀླགས་པ་ཙམ་གྱིས་གདུག་པ་དང་འཇིགས་པ་ཐམས་ཅད་ལས་སྲུང་བའོ། ། དེ་ནས་འདི་སྒྲུབ་པའི་ཐབས་བརྗོད་པར་བྱ་སྟེ། སྔར་གསུངས་པའི་རས་རིས་ཀྱི་ཆོ་ག
264b6 འཕགས་པ་སྤྱན་རས་གཟིགས་དབང་ཕྱུག་འདྲིར་གཞུག་པར་བྱ་སྟེ། རལ་པ་གྱེན་དུ་བརྫེས་པ་རིལ་བ་སྤྱི་བླུགས་དང་པདྨའི་སྡོང་པོ་ཕྱག་ན་བསྣམས་པ། ཕྱག་ན་པདྨ་གཡང་གཞི་ནག་པོ་འཕྱང་བ། གོས་དཀར་པོ་ཅན།
264b7 སྐྱིལ་ཀྲུང་གིས་བཞུགས་པ་འདྲིར་གཞུག་པར་བྱའོ།། གཡས་ཀྱི་གཞོགས་སུ་གནོད་སྦྱིན་གྱི་སྡེ་དཔོན་ཆེན་པོ་དག་བྲི་བར་བྱ་བ་ལ་འདི་ལྟ་སྟེ། རྒྱལ་བ་དང་། རྣམ་པར་རྒྱལ་བ་དང་། རྟག་ཏུ་རེ་བོ་དང་། གངས་ལྡན་གྱི
iiif viewer powered by OpenSeadragon
