| e-texts navigator |
| Wylie |
263a1 བྱ་བའི་རིག་པའི་རྒྱལ་པོ་ཆེན་པོ་རྫོགས་སོ། ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན
263a2 པའི་ཏིང་ངེ་འཛིན་སྒོམ་བཞིན་པས། ཐམས་ཅད་དང་ལྡན་པའི་འཇིག་རྟེན་གྱི་ཁམས་ཡང་དག་པར་དགོངས་ནས། བཅོམ་ལྡན་འདས་མ་འཕགས་མ་སྒྲོལ་མའི་རྟོག་པའི་རྒྱལ་པོ་ཆེན་པོར་ལྷག་པར་མོས་པའི་འཕྲེང་བ
263a3 ཞེས་བྱ་བ་སངས་རྒྱས་ཀྱིས་གསུངས་པ་འདི་བཀའ་སྩལ་ཏོ། ། ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷ་ཡ། ན་མོ་ན་མ། སརྦ་བོ་དྷི་སཏྭཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ
263a4 ། ཀཱ་རུ་ཎི་ཀཱ་ཡ། ཏདྱ་ཐཱ། མཎྜ་མརྡྷ་བི་ཤཱ་ལ་ཀཱིརྟི་སརྦ་བིདྱཱ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་ལྷག་པར་མོས་པའི་འཕྲེང་བ་ཞེས་བྱ་བའི་རིག་པའི་རྒྱལ་མེ་ཆེན་མོ་སྟེ། སངས་རྒྱས་དུ་མས་རྗེས་སུ་གནང་བ། བྱང་ཆུབ
263a5 སེམས་དཔའ་དུ་མའི་ཏིང་ངེ་འཛིན་ཡང་དག་པར་སྐྱེད་པར་བྱེད་པ་འདི་བསྒྲུབ་པར་བྱའོ། ། དབུལ་པོ་གང་ལ་ལ་བསྒྲུབ་པར་བྱ་བ་རས་རིས་ཟླ་བའི་ནང་དུ་དེའི་འབྱོར་པ་རྒྱས་པར་འགྱུར་རོ།། དབུལ་པོ་ཐོབ་པ་གང་ལ་ལ་རིག་པ
263a6 འདི་དོན་ཆེན་པོ་སྦྱིན་པས་མཆོད་པ་བྱ་བར་འགྱུར་རོ། ། འཇིག་རྟེན་གྱི་རྣམ་པར་འབྱོར་པ་སྒྲུབ་པར་བྱེད་པའི་ལས་སོ།། དེ་ནས་སྒྲུབ་ཐབས་སུ་འགྱུར་བ་ནི་བཅོམ་ལྡན་འདས་སྤྱན་རས་གཟིགས་དབང་ཕྱུག་སྔར་བརྗོད་པའི
263a7 རས་རིས་བྲི་བར་བྱའོ། ། དགུ་པ་ནས་བརྩམས་ཏེ་དཀར་པོའི་ཟླ་བ་ཉ་ལ་ཡོངསུ་རྫོགས་པར་བྱེད་དུ་གཞུག་པར་བྱའོ།། པདྨ་དཀར་པོའི་གདན་ལ་བཞུགས་པ། རལ་པ་གྱེན་དུ་བརྫེས་པ། འཕགས་པ་འོད་དཔག་མེད་གཉིས་པ
iiif viewer powered by OpenSeadragon
