| e-texts navigator |
| Wylie |
262b1 གསེར་མདོག་མི་འཇིགས་པ་རབ་ཏུ་སྦྱིན་པའོ།། འདི་ལྟ་སྟེ། པདྨའི་བླ་མ་དང་། ཡོན་ཏན་བླ་མ་དང་། ཡེ་ཤེས་དབང་ཕྱུག་དང་། རྟག་པར་སྒྲ་དབྱངས་དང་། རྣམ་པར་གཟིགས་དང་། གཙུག་ཏོར་ཅན་དང་། ཐམས་ཅད་སྐྱོབ་དང་།
262b2 ལོག་པར་དད་སེལ་དང་། གསེར་ཐུབ་དང་། འོད་སྲུངས་དང་། ཤཱཀྱ་ཐུབ་པ་དང་། འོད་དཔག་མེད་དང་། མི་འཁྲུགས་པ་སྟེ། ཡང་དག་པར་རྫོགས་པའི་སངས་རྒྱས་འདི་རྣམས་ཀུན་ནས་བྲི་བར་བྱའོ།། དེ་ལྟ་བུའི་རས་རིས
262b3 འདྲིར་བཅུག་ནས་སྔར་གསུངས་པའི་གནས་སུ་བཞུགས་ནས་འབུམ་ཕྲག་གསུམ་བཟླས་པར་བྱའོ། ། འདི་ཉིད་ཀྱིས་དྲི་དང་། མེ་ཏོག་དང་། བདུག་པ་ལ་སོགས་པ་དབུལ་བར་བྱའོ།། གང་བྱེད་པ་ལ་གཅིག་ཏུ་དཔའ་བས་འབུམ
262b4 ཕྲག་གསུམ་བཟླས་པར་བྱའོ། ། དེ་ནས་མཚན་མོ་གསུམ་དུ་སྦྱང་བར་གནས་ཏེ་རས་རིས་ལ་མཆོད་པ་ཆེན་པོ་བྱས་ནས་མིག་སྨན་ནམ། ལྡོང་རོས་སམ། གིའུ་ཝཾ་ཡང་རུང་སྟེ་སྟོང་དུ་བཟླས་པའི་རས་རིས་ཀྱི་སྤྱན་སྔར་ཨ་ཤྭཏྠའི
262b5 འདབ་མའི་ནང་དུ་གཏུམས་ཏེ། ཇི་སྐད་གསུངས་པའི་ཆོ་གས་ཀུ་ཤའི་ཁྲེས་ལ་ཉེ་བར་འདུག་སྟེ། སྲོད་ནས་བརྩམས་ཏེ་ཇི་སྲིད་དྲོ་བར་གྱུར་པ་དང་། དུ་བ་འཐུལ་བ་དང་། འབར་བར་གྱུར་པ་དེ་སྲིད་དུ་ཟླས་པར་བྱའོ།། དྲོ
262b6 བར་བྱེད་བཞིན་པས་ནི་ཐིག་ལེ་བྱས་ན་ཐམས་ཅད་དབང་དུ་བྱེད་དོ། ། དུ་བ་འཐུལ་བཞིན་པས་ནི་མི་སྣང་བར་འགྱུར་རོ།། འབར་བས་ནི་ནམ་མཁའ་ལ་འགྲེའོ།། རས་རིས་རབ་ཏུ་འགུལ་ན་རྒྱལ་སྲིད་དུ་འགྱུར་རོ།།
262b7 བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པར། ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པ། སངས་རྒྱས་བཅུ་གཉིས་ཀྱིས་མངོན་པར་དབང་བསྐུར་བ་ཞེས
iiif viewer powered by OpenSeadragon
