| e-texts navigator |
| Wylie |
261b1 ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཨ་མྲ་ཏེ་ཨ་མྲྀ་ཏེ། ག་ཧ་རེ་སུ་མུ་ཁེ་སྭཱ་ཧཱ། གཏོར་མའི་སྔགས་སོ།། དེ་ལྟར་སྔ་མ་བཞིན་དུ་བྱས་ཏེ། ཨ་ཀ་རུའི་སྦྱིན་སྲེག་གིས་གང་འདོད་པ་དེ་རྙེད་དོ།།
261b2 ཙན་དན་གྱི་སྦྱིན་སྲེག་གིས་འགུགས་སོ།། སྣ་མའི་མེ་ཏོག་གི་སྦྱིན་སྲེག་གིས་སྐྱེ་བོ་ཐམས་ཅད་དགའ་བར་འགྱུར་རོ།། ཆོ་འཕྲུལ་གྱི་ཕྱོགས་ཀྱི་ཚེས་གཅིག་ནས་བརྩམས་ཏེ་རས་རིས་ཀྱི་སྤྱན་སྔར་མཆོད་པའི་ཆོ་གས
261b3 ཐུན་གསུམ་དུ་སྟོང་ཕྲག་བརྒྱད་བཟླས་པར་བྱ་སྟེ། ཇི་སྲིད་ཟླ་བ་ཉ་བའི་བར་དུའོ།། མཚན་མོ་གསུམ་སྦྱང་བར་གནས་པས་རྒྱ་མཚོར་འགྲོ་བའི་ཆུ་ཀླུང་གི་འགྲམ་མམ། ཆུ་གླིང་དུ་རས་རིས་བཞུགས་ནས་མཆོད་པའི་ཆོ་ག་བྱ་སྟེ།
261b4 སྲོད་ནས་བརྩམས་ནས་ཇི་སྲིད་དངོས་གྲུབ་ཀྱི་མཚན་མར་འགྱུར་བ་དེ་སྲིད་དུ་བཟླས་པར་བྱའོ།། རས་རིས་རབ་ཏུ་འགུལ་བ་འམ། མར་མེའི་རྩེ་མོ་མངོན་པར་འཕེལ་ལམ། ནམ་མཁའ་ལ་མེ་ཏོག་གི་ཆར་འབབ་བམ། འབྲུག
261b5 གི་སྒྲ་ཐོས་པའང་རུང་སྟེ། རས་རིས་འགུལ་བས་ནི་རྒྱལ་པོ་ཆེན་པོར་འགྱུར་རོ།། མར་མེ་འཕེལ་ན་གྲོང་གི་རྗེ་བོར་འགྱུར་རོ།། མེ་ཏོག་བབས་ན་ཡུལ་གྱི་བདག་པོར་འགྱུར་རོ།། འབྲུག་གི་སྒྲས་གྲོང་བཅུ་དྲུག་སོ་སོར
261b6 རྙེད་དོ། ། མ་གྲུབ་ན་ལས་དང་ཡོ་བྱད་ཐམས་ཅད་ཡང་དག་པར་འབྱོར་པར་འགྱུར་རོ།། ནད་ཐམས་ཅད་སྤངས་པར་འགྱུར་རོ།། བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པར།
261b7 ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོར།། གསེར་འོད་ཅེས་བྱ་བའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ།། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས
iiif viewer powered by OpenSeadragon
