| e-texts navigator |
| Wylie |
25b1 རལ་གྲིའི་རིག་པ་འཛིན་པར་འགྱུར་རོ། ། སྟོང་ཕྲག་དྲུག་ཅུ་བཟླས་བརྗོད་བྱས་ན་གྲུབ་པའི་རིག་འཛིན་དུ་འགྱུར་རོ།། སྟོང་ཕྲག་བདུན་ཅུ་བཟླས་བརྗོད་བྱས་ན་ས་གསུམ་གྱི་བདག་པོར་འགྱུར་རོ།། སྟོང་ཕྲག
25b2 བརྒྱད་ཅུ་བཟླས་བརྗོད་བྱས་ན་འཁོར་ལོས་སྒྱུར་བའི་རྒྱལ་པོར་འགྱུར་རོ། ། འབུམ་ཕྲག་གཅིག་བཟླས་བརྗོད་བྱས་ན་བྱང་ཆུབ་སེམས་དཔའ་ཉིད་དུ་འགྱུར་རོ།། འབུམ་ཕྲག་བཅུ་བཟླས་བརྗོད་བྱས་ན་རང་དགའི
25b3 གཟུགས་སུ་འགྱུར་རོ། ། བཞི་ཆ་དང་བཅས་པའི་འབུམ་ཕྲག་བཟླས་བརྗོད་བྱས་ན་སངས་རྒྱས་ཉིད་དུ་འགྱུར་རོ།། བྱེ་བ་ཕྲག་གཅིག་བཟླས་བརྗོད་བྱས་ན་ཐམས་ཅད་དུ་རྗེས་སུ་འཛིན་པར་བྱེད་པའི་ནུས་པ
25b4 ཅན་སྤྱན་རས་གཟིགས་དབང་ཕྱུག་ལྟ་བུ་འགྲུབ་པར་འགྱུར་ཞིང་། ལུས་དང་། ངག་དང་། ཡིད་ཀྱང་བྱིན་གྱིས་རློབ་བོ།། འདི་ནི་བཅོམ་ལྡན་འདས་གསུང་རྡོ་རྗེས་གསུངས་པའོ།། ཨོཾ་པཎྜ་ར་བ་སི་ནི་བ་རི་དེ་ཧཱུཾ།
25b5 འདི་ནི་གོས་དཀར་མོའི་སྔགས་ཏེ་ལན་ཅིག་བརྗོད་པས་སྡིག་པའི་རིགས་ཀྱི་ཚོགས་སྲེག་པར་བྱེད་དོ།། ནུབ་བདུན་གྱི་ནང་རོལ་དུ་རྒྱལ་པོ་བློན་པོ་དང་བཅས་པ་མདུན་ན་འདོན་དང་། སྐྱེ་འགྲོའི་ཚོགས་དང་། བཙུན
25b6 མོའི་ཚོགས་དང་བཅས་པ་དབང་དུ་འགྱུར་རོ། ། བཟླས་པ་ཙམ་གྱིས་ཕུན་སུམ་ཚོགས་པ་ཐམས་ཅད་ཀྱི་སྐལ་བ་དང་ལྡན་པར་འགྱུར་རོ།། དེ་ལྟ་བུའི་རིམ་པས་འབུམ་ཕྲག་གཅིག་བཟླས་ན་གང་ཡང་སངས
25b7 ། རྒྱས་དང་བྱང་ཆུབ་སེམས་དཔའ་དང་ནུས་པ་མཉམ་ཞིང་། དངོས་སུ་འཕགས་པ་སྤྱན་རས་གཟིགས་དབང་ཕྱུག་འགྲུབ་པར་འགྱུར་རོ།། ཨོཾ་བཾ་ལོ་ཀི་ནི་ཨ་བ་ལོ་ཀཱ་ཡ་སྭཱ་ཧཱ། འདིའི་སྦྱོར་བ་ནི་སྟོང་ཕྲག་བཅུ་བཟླས
iiif viewer powered by OpenSeadragon
