| e-texts navigator |
| Wylie |
25a1 ཨོཾ་ཧྲཱིཿཔདྨ་ནརྟེ་ཤྭ་རེ་ཧཱུཾ། རྩ་བའི་སྔགས་འདི་བརྒྱ་རྩ་བརྒྱད་བཟླས་ན་ཉིན་མོ་དང་ནུབ་མོ་བྱས་པའི་སྡིག་པ་ཉམས་པར་འགྱུར་རོ།། ཡང་ན་ལྔ་བརྒྱ་བཟླས་བརྗོད་བྱས་ན་ནད་ཐམས་ཅད་ལས
25a2 གྲོལ་བར་འགྱུར་རོ། ། ཡང་ན་སྟོང་བཟླས་བརྗོད་བྱས་ན་དུས་མ་ཡིན་པར་འཆི་བ་མེད་པར་འགྱུར་རོ།། ཡང་ན་སྟོང་ཕྲག་གཉིས་བཟླས་བརྗོད་བྱས་ན་ཐམས་ཅད་ཀྱིས་མཆོད་པའི་འོས་སུ་འགྱུར་རོ།། གཞན
25a3 ཡང་སྟོང་ཕྲག་གསུམ་བཟླས་བརྗོད་བྱས་ན་སྐལ་བ་བཟང་བ་དང་གཡང་རབ་ཏུ་འཕེལ་བར་འགྱུར་རོ། ། གཞན་ཡང་སྟོང་ཕྲག་བཞི་བཟླས་བརྗོད་བྱས་ན་དབུལ་བ་མེད་པར་འགྱུར་རོ།། ཡང་ན་སྟོང་ཕྲག
25a4 ལྔ་བཟླས་བརྗོད་བྱས་ན་དགྲ་ཐམས་ཅད་ཀྱི་སྙིང་འཁྲུག་པར་བྱེད་དོ། ། སྟོང་ཕྲག་དྲུག་བཟླས་བརྗོད་བྱས་ན་དགྲ་ཐམས་ཅད་མེད་པར་འགྱུར་རོ།། སྟོང་ཕྲག་བདུན་བཟླས་བརྗོད་བྱས་ན་བདུད་བཞི་ལས་མཆོག
25a5 ཏུ་རྒྱལ་བར་འགྱུར་རོ། ། སྟོང་ཕྲག་བརྒྱད་བཟླས་བརྗོད་བྱས་ན་རིག་འཛིན་མ་འགྲུབ་པར་འགྱུར་རོ།། སྟོང་ཕྲག་དགུ་བཟླས་བརྗོད་བྱས་ན་གནོད་སྦྱིན་མོ་འགྲུབ་པར་འགྱུར་རོ།། ཁྲི་ཚོ་གཅིག་བཟླས་བརྗོད
25a6 བྱས་ན་ལྷ་དང་། ཀླུ་དང་། མིའི་བུ་མོ་རྣམས་འགྲུབ་པར་འགྱུར་རོ།། སྟོང་ཕྲག་ཉི་ཤུ་བཟླས་བརྗོད་བྱས་ན་བར་སྣང་ལ་འགྲོ་བའི་རྣལ་འབྱོར་མ་རྣམས་འགྲུབ་པར་འགྱུར་རོ།། སྟོང་ཕྲག་སུམ་ཅུ་བཟླས
25a7 བརྗོད་བྱས་ན་བསམ་པ་ཐམས་ཅད་རྫོགས་པར་འགྱུར་རོ། ། སྟོང་ཕྲག་བཞི་བཅུ་བཟླས་བརྗོད་བྱས་ན་ནམ་མཁའ་ལ་སྤྱོད་པའི་རིག་པ་འཛིན་པར་འགྱུར་རོ།། སྟོང་ཕྲག་ལྔ་བཅུ་བཟླས་བརྗོད་བྱས་ན
iiif viewer powered by OpenSeadragon
