| e-texts navigator |
| Wylie |
251b1 ཤྭེ་ཏི་ཤྭེ་ཏེ་གེ་ཤྲེ་བྷུ་ཛེ་ཤྭེ་ཏ། མཱ་ལྱེ་ར་ལཾ་ཀྲྀ་ཏེ། ཛ་ཡེ་བི་ཛ་ཡེ་ཨ་ཛི་ཏེ་ཨ་པ་རཱ་ཛི་ཏེ་སྭཱ་ཧཱ། དྲན་པ་ཉིད་ལས་འདིའི་སྔགས་ཀྱི་དངོས་གྲུབ་མྱུར་དུ་འབྱུང་བར་འགྱུར་རོ།། དེ་ལ་འདིའི་སྔགས་ནི་ཐོ་རངས་ལངས
251b2 ནས་བཅོམ་ལྡན་འདས་མ་འཕགས་མ་སྒྲོལ་མའི་སྒྲུབ་པ་པོས་གཙང་མར་གྱུར་པ་ལན་བདུན་བྱས་ནས། རྒྱ་བོར་ཞུགས་ཤིང་ཐལ་མོ་སྦྱར་ཏེ་ཡོངས་སུ་བཟླས་ནས་ཤར་དུ་མངོན་པར་ཕྱོགས་པས་གཏོར་བར་བྱའོ།།
251b3 བགེགས་ཐམས་ཅད་ཞི་བར་འགྱུར་ཞིང་ལས་ཀྱི་དངོས་གྲུབ་ཀྱང་འབྱུང་ངོ་།། སྙིང་ཁར་མཐེ་བོང་བྱིན་ནས་ལན་ཅིག་བཟླས་ན་ལྷ་རྣམས་ཀྱིས་བྱིན་གྱིས་རློབ་པར་འགྱུར་རོ།། བདག་ཉིད་རྣམ་པར་དག་པར་ཡང་འགྱུར་རོ།།
251b4 དེའི་ཕྱག་རྒྱའང་འདིར་སྦྱར་བར་བྱའོ།། དེ་ནས་འདིའི་སྒྲུབ་ཐབས་ཀྱི་ཆོ་གར་འགྱུར་ཏེ། མ་ཉམས་པའི་རས་སྒྲ་དང་བྲལ་བ་འབྲས་བུ་ཅན་ནམ། མ་འདྲེས་པའི་ཚོན་གྱིས་རི་མོ་མཁན་གསོ་སྦྱོང་ཅན་གྱིས་འཕགས་པ
251b5 སྤྱན་རས་གཟིགས་དབང་ཕྱུག་འདྲིར་གཞུག་པར་བྱའོ། ། པདྨའི་སྙིང་པོ་ལ་འདུག་པ། སྟག་གི་པགས་པའི་ཤམ་ཐབས་ཅན། རལ་པ་གྱེན་དུ་བརྫེས་པ་དེའང་རབ་ཏུ་འཕྱང་བཞིན་པ། ཕྱག་ན་བྱ་མ་བུམ་ཐོགས་པ་འམ།
251b6 པདྨ་དཀར་པོའི་འདབ་མ་བསྟིམས་པ། གཡོན་གྱི་གཞོགས་སུ་ལྷ་མོ་འཕགས་མ་དཀར་མོ་ཆེན་མོ་སེང་གེའི་གདན་ལ་ཉེ་བར་འདུག་པ། ཕྱག་ན་པདྨ་དང་། མཆོག་སྦྱིན་མ་དང་། སྒྲུབ་པ་པོ་ནི་སྔོན་བཞིན་ནོ།། དེ་ནས་རིག
251b7 པ་འཛིན་པས་འོ་མ་དང་ནས་ཟན་བཟའ་ཞིང་བྲིས་སྐུའི་སྤྱན་སྔར་སྔོན་དུ་བསྙེན་པ་བྱའོ། ། དྲི་ཞིམ་པོའི་མེ་ཏོག་ལ་སོགས་པ་རྣམས་ཀྱིས་མཆོད་པ་དང་། མར་གྱི་མར་མེ་དང་། ཨ་ཀ་རུ་དང་། དུ་རུ་ཀའི་བདུག་སྤོས་དང་།
iiif viewer powered by OpenSeadragon
