| e-texts navigator |
| Wylie |
251a1 བྱས་ན་ཉི་མ་བདུན་གྱིས་ཤ་ཟ་བའི་རིམས་ཉམས་པར་བྱེད་དོ། ། སེང་ལྡེང་གི་ཡམ་ཤིང་གིས་སྦྱིན་སྲེག་སྟོང་ཕྲག་བརྒྱད་བྱས་ན་གདོན་ཐམས་ཅད་འཇོམས་པར་བྱེད་དོ་ཐལ་བ་ལ་ལན་བདུན
251a2 བཟླས་པས་ཕ་རོལ་གྱི་སྔགས་རྣམས་འཆིང་བར་བྱེད་དོ། ། ཆུ་ལ་ལན་ཅིག་བཟླས་པས་གྲོལ་ལོ།། དེ་ལྟ་བུ་ལ་སོགས་པའི་ལས་རྣམས་སོ།། དེ་ནས་ཡང་བཅོམ་ལྡན་འདས་ཤཱཀྱ་ཐུབ་པས་སླར་ཡང་འཁོར་གྱི
251a3 དཀྱིལ་འཁོར་ཆེན་པོ་དེ་ལ་གཟིགས་ནས། བྱང་ཆུབ་སེམས་དཔའ་ཆེན་པོ་ལ་བཀའ་སྩལ་པ། སེམས་དཔའ་ཆེན་པོ་འདོད་པ་ཕུན་སུམ་ཚོགས་པར་བྱེད་པ་ཞེས་བྱ་བ་ཡོད་དེ། དེ་ནི་རིགས་ཀྱི་བདག་པོ། སངས
251a4 རྒྱས་ཐམས་ཅད་ཀྱིས་རྗེས་སུ་ཡི་རངས་པ། རྟོག་པའི་རྒྱལ་པོ་འདིར་སྒྲུབ་ཐབས་ཀྱི་ཆོ་ག་བཅོམ་ལྡན་འདས་མ་འཕགས་མ་སྒྲོལ་མའི་གསང་ཆེན་དུ་གྱུར་པ་སྒྲུབ་པ་པོས་གདོན་མི་ཟ་བ་ཁོ་ནར་དྲན་པར་བྱ་བ་སྟེ།
251a5 དེ་སེམས་དཔའ་ཆེན་པོ་ཁྱོད་ལ་བཤད་དོ།། དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་མ་སྒྲུབ་པའི་དོན་དུ་རིགས་ཀྱི་བདག
251a6 པོ་གསུང་དུ་གསོལ། འདོད་པ་ཕུན་སུམ་ཚོགས་བྱེད་པ།། བཅོམ་ལྡན་རྡུལ་མུན་རྣམ་པར་གྲོལ།། ཆགས་པ་མངོན་པར་ཞི་བ་དང་།། བྱང་ཆུབ་ངེས་འབྱིན་སྡིག་པ་ལས།། ཀུན་ཏུ་གཟིགས་པའི་ཟླ་བ་ལ།། འཕགས
251a7 པསྤྱན་རས་གཟིགས་དབང་ཕྱུག། སྲིད་པའི་ས་བོན་རྣམས་འཇོམས་པར།། ཕྱག་འཚལ་མཆོད་དེ་ཁྱོད་ལ་བརྟེན།། བཤད་བྱ་གལ་ཏེ་འབྱུང་བར་བྱེད།། སླར་ཡང་སྲིད་པར་འབྱུང་བར་འགྱུར།། ཏདྱཿ།
iiif viewer powered by OpenSeadragon
