| e-texts navigator |
| Wylie |
250a1 བཞིན་དུ་མཆོད་ནས་གུ་གུལ་བསྲེགས་ཏེ་སྟོང་ཕྲག་བརྒྱར་བཟླས་པ་བྱའོ། ། བ་ལང་སྟོང་ངམ་ནོར་རྙེད་པར་འགྱུར་རོ།། ཆོ་ག་འདི་ཉིད་ཀྱིས་མར་དང་སྦྲང་རྩི་སོགས་སྲེག་ཅིང་སྟོང་ཕྲག
250a2 བརྒྱར་བཟླས་པ་བྱའོ། ། གྲོང་བཅུ་གཉིས་ཀྱིས་བསྐོར་བ་རྙེད་པར་འགྱུར་རོ།། ཆོ་ག་འདི་ཉིད་ཀྱིས་མཆོད་རྟེན་བྱས་ནས་ཙན་ངན་གྱིས་བཏགས་པའི་པདྨའི་གདན་དང་ལྷ་བཤོས་སྟོང་ཕྲག་བརྒྱ་དབུལ་ཏེ་ཡུལ་གྱི
250a3 དཔོན་པོ་ཐོབ་པར་འགྱུར་རོ། ། ཆོ་ག་འདི་ཉིད་ཀྱིས་གུ་གུལ་གྱི་བདུག་པ་བསྲེགས་ཏེ་ཙམ་པ་ཀའི་མེ་ཏོག་སྟོང་ཕྲག་བརྒྱ་དབུལ་ཏེ་གསེར་སྟོང་རྙེད་པར་འགྱུར་རོ།། ཆོ་ག་འདི་ཉིད་ཀྱིས་ན་ག་གེ་སར་གྱི་མེ་ཏོག
250a4 སྟོང་ཕྲག་བརྒྱར་དབུལ་བར་བྱ་སྟེ་རས་བཅོས་བུའི་གོས་སྟོང་རྙེད་པར་འགྱུར་རོ། ། དེ་བཞིན་དུ་མེ་ཏོག་ཐམས་ཅད་འདོད་པའི་ཆོ་ག་ཐམས་ཅད་དུར་ཁྲོད་དུ་རོ་བསྲེགས་པའི་ཐལ་བ་བླངས་ནས་ཟླ་བ་ཉ་ལ་ཉིན
250a5 མཚན་དུ་སྨྱུང་བར་གནས་ཏེ། མིང་མེད་ཀྱི་སོར་མོའི་ཁྲག་གིས་ཟླུམ་བསྐོར་བྱས་ནས་གཟུགས་བརྙན་བྲིས་ཏེ་རྐང་པ་གཡོན་པས་མནན་ནས་སྟོང་ཕྲག་བརྒྱད་བཟླས་པ་བྱས་ན། དང་པོ་གོས་བདུན་དང་། མདོར་ན
250a6 རིགས་དང་བཅས་པ་ཐམས་ཅད་རྙེད་པར་འགྱུར་རོ། ། མཆོད་རྟེན་བྱས་ནས་ཤཱིང་ཨ་དྷི་བ་ལ་ཛ་ལ་ཞོ་དང་། སྦྲང་རྩི་དང་། མར་ལ་བཏགས་པ་སྟོང་ཕྲག་བརྒྱད་སྦྱིན་སྲེག་བྱའོ།། གང་སྟོན་པའི་བུ་མོ་དེས་སྦྱིན
250a7 པར་བྱེད་དོ། ། མི་སྦྱིན་ན་འཆི་བར་འགྱུར་རོ།། སཱ་ལའི་རྒྱབ་ནས་བྱུང་བའི་གཟུགས་བརྙན་བྱས་ལ་ཡུངས་མར་གྱིས་འདི་བཀང་ནས་ལྕགས་ཀྱི་ཐུར་མས་ཕུག་སྟེ་ཚ་བའི་ཏིལ་མར་གྱིས་བྱུགས་ཏེ་དུར་ཁྲོད
iiif viewer powered by OpenSeadragon
