| e-texts navigator |
| Wylie |
249a1 བྱས་ནས་བདག་ཉིད་དམ། གྲོགས་བཟང་པོས་བསྲུང་བ་བྱས་ཏེ། ལག་པ་གཉིས་ཀྱིས་མནན་ཏེ་ཇི་སྙིད་དུ་དངོས་གྲུབ་རྣམ་པ་གསུམ་དུ་གྱུར་པ་དེ་སྲིད་དུ་བཟླས་པ་བྱའོ།། དངོས་གྲུབ
249a2 དང་པོ་ལ་གང་བལྟས་པ་དང་། གང་གིས་མཐོང་བ་དེ་རྣམས་རབ་ཏུ་དགའ་ཞིང་དང་རྐུ་འགྱུར་རོ།། གཉིས་པ་ལ་རས་རིས་ཀྱི་སའི་རྡུལ་ཕྱིས་པ་ཙམ་གྱིས་མི་སྣང་བ་དང་། གླང་པོ་ཆེ་སྟོང་ཕྲག་དགུའི་སྟོབས
249a3 དང་ལྡན་པ་དང་། རླུང་ལྟར་མགྱོགས་པ་དང་། སྐལ་བ་དྲུག་འཕྲོག་པ་དང་། འདོད་པས་འགྲོ་བ་དང་། ཆར་འབེབས་པ་དང་། རྣམ་པར་སྣང་བར་བྱེད་པ་དང་། མཐུ་ཆེན་པོར་འགྱུར་རོ།། གསུམ་པ་ལ་ནི་ཉི
249a4 མ་འཆར་ཀ་དང་མཚུངས་པ་དང་། ལོ་སྟོང་ཕྲག་བཅུར་འཚོ་ཞིང་འཁོར་ལོས་སྒྱུར་བའང་འདྲེན་པར་འགྱུར་རོ།། རྡོ་རྗེའི་ལག་པར་རྣམ་པར་རྒྱུ་སྟེ། དེ་བཞིན་དུ་པདྨ་དང་། དགྲ་སྟ་ལག་པའི་ཆོ་གས་ཀྱང་ངོ་།།
249a5 དེ་ནས་རིལ་བུ་སྒྲུབ་པར་འདོད་ན་སྔོན་དུ་བསྙེན་པ་བྱས་ཏེ་ལོར་སྐྱེས་པའི་སྡིགས་མཛུབ་ཀྱི་སོར་མོ་བླངས་ནས། སྔར་གྱི་ཆོ་གས་མཆོད་རྟེན་བྱས་ཏེ་དུར་ཁྲོད་དུ་མཆོད་པ་རྒྱ་ཆེན་པོ་བྱས་ནས་ཁ་ཤར་དུ་ཕྱོགས
249a6 པས་རབ་ཏུ་ཞུགས་ལ། དེ་སྲིད་དུ་སོར་མོ་ངེས་པར་རིག་པ་སྟོན་པས་མནན་ནས་རྡོ་རྗེ་ལས་འོད་ཟེར་འཕྲོ་བ་དེ་སྲིད་དུ་བཟླས་པ་བྱའོ།། ཉིན་མོ་ནམ་མཁའི་རླུང་ལ་བསྲུང་བ་བྱ་ཞིང་། མཚན་མོ་གཉིད་མི
249a7 ལོག་པར་ཐོ་རངས་ཇི་སྲིད་དུ་སོར་མོ་རྣམས་དགུག་པར་བྱའོ། ། བཀུག་པའི་གནས་དེར་མཚན་མོ་གསུམ་དུ་སྨྱུང་བར་གནས་པ། བ་དང་བེའུ་རྒྱུད་མཚུངས་པ་གྲགས་པ་དང་ལྡན་པའི་འོ་མ་བླངས་ནས། སངས
iiif viewer powered by OpenSeadragon
