| e-texts navigator |
| Wylie |
248a1 སངས་རྒྱས་བཅོམ་ལྡན་འདས་ཀྱི་སྤྱན་སྔར་ཆོ་ག་བཞིན་དུ་མེ་སྦར་ནས་སྟོང་ཕྲག་རྫོགས་པར་སྦྱིན་སྲེག་བྱ་སྟེ། དེ་ནས་རིང་བསྲེལ་དང་བཅས་པའི་མཆོད་རྟེན་ལ་རས་རིས་བཞུགས་ནས་མཆོད
248a2 པཔརྒྱ་ཆེན་པོ་བྱས་ཏེ། ཕྱོགས་བརྒྱད་དུ་པ་ལ་ཤའི་ཤིང་གིས་མེ་སྦར་ནས་ཞོ་དང་། སྦྲང་རྩི་དང་། མར་ལ་བཏགས་པའི་རྣམ་པར་འདྲེན་པའི་སྦྱིན་སྲེག་བྱའོ།། དེ་ནས་ཕྱོགས་བཞི་རྣམས་སུ་དཀྱིལ་འཁོར་བྱས་ནས་ཕྱོགས
248a3 སྐྱོང་བ་རྣམས་གཞག་སྟེ། དཀྱིལ་འཁོར་གཉིས་པར་རབ་ཏུ་སད་པར་བྱེད་པ་ལག་ཏུ་ཡུངས་ཀར་ཐོགས་པའོ།། དཀྱིལ་འཁོར་གསུམ་པར་ལེགས་པར་གྲོགས་བཟང་པོ་འམ། གྲོགས་མེད་ཀྱང་རུང་སྟེ། སྔགས
248a4 ཀྱི་མཆོད་པ་ཆེན་པོ་བྱས་ནས་བསྲུང་བ་བྱས་ཏེ། ཁ་ཤར་དུ་ཕྱོགས་པས་ཉེ་བར་འདུག་ལ་ཀུ་ཤ་བཏིང་ཞིང་བཀྲམ་ནས་ཨ་ཤྭདྠའི་འདབ་མ་གསུམ་གྱི་སྟེང་ནས་དང་། བཞིས་འོག་ནས་གཡོགས་ཏེ། ལག་པས
248a5 མནན་ལ་ཇི་སྲིད་དྲོ་བར་གྱུར་པ་དང་། དུ་བ་འཐུལ་བ་དང་། རབ་ཏུ་འབར་བ་དེ་སྲིད་དུ་བཟླས་པར་བྱའོ།། དང་པོ་དངོས་གྲུབ་ནི་འདིས་རྒྱལ་བའི་བདག་ཉིད་ཀྱི་སྤྱན་ཏེ། གང་མཐོང་བ་དང་། གང་རྣམས་མཐོང་བ་དེ་རྣམས
248a6 ཐམས་ཅད་དབང་དུ་འགྱུར་རོ། ། གཉིས་པའི་དངོས་གྲུབ་ནི་གླང་པོ་ཆེ་དགུའི་སྟོབས་དང་། རླུང་ལྟར་མགྱོགས་པ་དང་། ལོ་ལྔ་བརྒྱར་འཚོ་བ་དང་། གླང་པོ་ཆེ་བཅུ་འཕྲོག་པ་དང་། རིག་པ་འཛིན་པ་ཐམས་ཅད་ཀྱིས
248a7 ཟིལ་གྱིས་གནོན་པ་མ་ཡིན་པ་དང་། འབར་ཞིང་འཆར་བའི་ཉི་མ་དང་འདྲ་བ། ལུས་རིན་པོ་ཆེས་བརྒྱན་པ། བར་གྱི་བསྐལ་པར་གནས་ཤིང་གཞན་འདྲེན་པར་བྱེད་པ། རིག་པ་འཛིན་པས་ཟིལ་གྱིས་མི་ནོན་པའི
iiif viewer powered by OpenSeadragon
