| e-texts navigator |
| Wylie |
247a1 ཀྱི་བསམ་གྱིས་མི་ཁྱབ་པའི་རྡུལ་འཕྲུལ་གྱི་མཐུ་ཀུན་ཏུ་བསྟན་པའི་ཕྱིར་རིག་པའི་རྒྱལ་པོ་ཆེན་པོའི་རྟོག་པ་འདི་བཀའ་སྩལ་ཏོ། ། སེམས་དཔའ་ཆེན་པོ་གང་ལ་ལ་སྔགས
247a2 ཀྱི་རྒྱལ་པོ་འདི་སྒྲུབ་པར་འདོད་ན་དེའི་དོན་གྱི་ཕྱིར་ཆོ་ག་འདིར་འགྱུར་རོ། ། དང་པོར་རེ་ཞིག་མ་བརྟབས་པ་དང་། མི་སྨྲ་བ་དང་། མི་ཟ་བར་བརྗོད་པའི་མོད་དང་། སྔགས་ཀྱི་འདུལ་བ་ལ་སོགས་པ་ལ་རབ
247a3 ཏུ་བརྩོན་པས་འབྱུང་པོ་ཐམས་ཅད་ལ་རབ་ཏུ་བརྩེ་བས་གཞན་སྡུག་ན་བདག་སྡུག་པར་ལེགས་པར་མཐོང་བར་བྱེད་པའི་ཡེ་ཤེས་དང་ལྡན་པ། དབང་པོ་རྣམས་ལེགས་པར་བཟུང་སྟེ་རྣམ་པར་གཡེང་བ
247a4 དང་བཅས་པའི་སེམས་དང་། ང་རྒྱལ་དང་། སེར་སྣ་ལ་སོགས་པ་ལ་འཇུག་པ། རབ་ཏུ་དགག་པའི་དོན་དུ་རྫས་ཡོངས་སུ་འཇལ་བ་དང་། ལྷ་གཞན་ལ་ཕྱག་མི་བྱེད་པ་དང་། དཀོན་མཆོག་གསུམ་ལ
247a5 ད་པ་ཤིན་ཏུ་མངོན་དུ་གྱུར་པའི་དད་པའི་ནོར་གྱིས་བཅོམ་ལྡན་འདས་མ་འཕགས་མ་སྒྲོལ་མ་ལ་མངོན་པར་དད་པ་དང་། སྙིང་རྗེ་ཆེན་པོའི་བདག་ཉིད་དང་། ལེགས་པར་བརྩོན་པའི་བསམ་པས་བྱང་ཆུབ
247a6 ཏུ་སེམས་བསྐྱེད་ཅིང་། མདོར་ན་བྱང་ཆུབ་ཆེན་པོར་སྨོན་ལམ་བཏབ་པ་རྒྱུན་དུ་སྒྲུབ་པར་འགྱུར་བར་བྱའོ།། དེ་ལ་དང་པོ་རེ་ཞིག་བྲིས་སྐུའི་ཆོ་གར་འགྱུར་ཏེ། རྒྱལ་པོ་ཐམས་ཅད་ཀྱི་བདག་པོ་འཁོར
247a7 ལོས་གྱུར་པ། མ་ཉམས་པའི་རས་ལྷག་མ་མིན་པ། ཁ་དོག་ཅན་ལ་བཅོམ་ལྡན་འདས་ཀྱི་སྐུ་གཟུགས་འདྲིར་གཞུག་པར་བྱ་སྟེ། གསེར་ལྟར་སེར་བའི་གཟུགས་བརྙན་ཆོས་སྟོན་པར་བྱེད་བཞིན་པ།
iiif viewer powered by OpenSeadragon
