| e-texts navigator |
| Wylie |
246a1 བར་སྐབས་འདིར་བཅོམ་ལྡན་འདས་ཤཱཀྱ་ཐུབ་པའི་སྨིན་མཚམས་ཀྱི་མཛོད་སྤུ་ནས་སངས་རྒྱས་ཐམས་ཅད་ཡང་དག་པར་སྐུལ་བར་བྱེད་པ་ཞེས་བྱ་བའི་འོད་ཟེར་བྱུང་བར་གྱུར་ཏོ།། གང
246a2 འདིར་ཕྱོགས་བཅུ་སྟེང་འོག་ཐམས་ཅད་དང་ལྡན་པའི་སངས་རྒྱས་ཀྱི་ཞིང་རྣམས་ཀུན་ཏུ་སྣང་ཞིང་། སེམས་ཅན་ཐམས་ཅད་ཀྱི་ཡིད་ཀྱང་ཚིམ་པར་བྱས་ནས། སླར་ཡང་བཅོམ་ལྡན་འདས་ཤཱཀྱ་ཐུབ་པའི་གཙུག་ཏོར་བྱ
246a3 ནུབ་པར་གྱུར་ཏོ། ། བཅོམ་ལྡན་འདས་ཀྱི་གཙུག་ཏོར་ནས་ཀུན་ནས་འབར་བའི་འཕྲོ་བའི་ལུས་ཅན་བལྟ་བར་མི་ནུས་པ། སེམས་ཅན་ཀུན་གང་གིས་ཀྱང་མི་ཐུབ་པ། འོད་ཆེན་པོ་ཡང་དག་པར་བྱུང་བ། འོད་ཀྱི
246a4 དཀྱིལ་འཁོར་གྱིས་ལུས་བརྒྱན་པ། རྣམ་པ་སྣ་ཚོགས་པའི་གཟུགས་ཅན། འཁོར་ལོས་སྒྱུར་བ་ཆེན་པོའི་གཟུགས་དང་ལྡན་པ། རིག་པའི་རྒྱལ་པོ་ཡི་གེ་གཅིག་པ་ཞེས་བྱ་བ་བྱུང་བར་གྱུར་ཏོ།། བྱུང་ནས
246a5 ནམ་མཁའི་དཀྱིལ་ཀུན་ཏུ་སྣང་བར་བྱས་ཏེ། རིག་པའི་རྒྱལ་པོ་ཐམས་ཅད་ཀྱིས་ཡོངས་སུ་བསྐོར་བ། རིག་པ་འཛིན་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་མདུན་དུ་བདར་ནས་མཆོད་བཞིན་པ། འཇིག་རྟེན
246a6 ཐམས་ཅད་ཀྱི་བླ་མ། རིག་པའི་འཁོར་ལོས་སྒྱུར་བའི་རྒྱལ་པོས་མངོན་པར་བསྔགས་བཞིན་པ། སངས་རྒྱས་ཐམས་ཅད་ལ་མངའ་སྒྱུར་བཞིན་པ། སངས་རྒྱས་དང་བྱང་ཆུབ་སེམས་དཔའ་ས་བཅུ་ལ་བཞུགས
246a7 པ་རྣམས་ཀྱི་རིམ་གྲོ་བྱེད་བཞིན་པའི་བློ་གྲོས་ཆེན་པོ། ནམ་མཁའི་དཀྱིལ་ཐམས་ཅད་ཀྱི་ལྷའི་རིན་པོ་ཆེས་ཉེ་བར་མཛེས་པ་དང་། ནོར་བུ་རིན་པོ་ཆེའི་དོན་དུ་བྱས་པས་ཐམས་ཅད་བཀང་སྟེ། མཛེས་པའི
iiif viewer powered by OpenSeadragon
