| e-texts navigator |
| Wylie |
245b1 རྫོགས་སོ། ། ། དེ་ནས་ཡང་བཅོམ་ལྡན་འདས་ཤཱཀྱ་ཐུབ་པས་སླར་ཡང་འཁོར་གྱི་དཀྱིལ་འཁོར་ཆེན་པོ་ལ་གཟིགས་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས
245b2 པ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། སེམས་དཔའ་ཆེན་པོ་ཁྱོད་ཀྱི་རིག་པའི་གསང་ཆེན་ཡོད་དོ།། སྔགས་ཐམས་ཅད་ཀྱི་སྒྲུ་བ་ཐབས་ཀྱི་ཆོ་གའི་དམ་ཚིག་ཤེས་པ། དེ་བཞིན་གཤེགས་པ་ཐམས
245b3 ཅད་ཀྱི་ཆོས་ཀྱི་མཛོད་ལས་བྱུང་བ། ཆོས་ཀྱི་སྤྲིན་ལ་འཐུན་པར་རབ་ཏུ་ཞུགས་པ། ནམ་མཁའི་རང་བཞིན། འཇིག་རྟེན་དང་འཇིག་རྟེན་ལས་འདས་པའི་སྔགས་ཐམས་ཅད་ཀྱི་མངའ་བདག་ཆེས་གཙོ་བོར
245b4 གྱུར་པ་སེམས་དཔའ་ཆེན་པོ། དཔེར་ན་དེ་བཞིན་གཤེགས་པ་ནི་སེམས་ཅན་ཐམས་ཅད་ཀྱི་གཙོ་བོ། ཆེས་གཙོ་བོར་གྱུར་པ། ལྷ་དང་མི་རྣམས་ཀྱི་ནང་ནས་སྐྱེས་བུའི་ཁྱུ་མཆོག་སངས་རྒྱས་བཅོམ་ལྡན་འདས
245b5 ཡིན་ནོ། ། བྱང་ཆུབ་སེམས་དཔའ་དེ་བཞིན་དུ་རིག་པའི་རྒྱལ་པོ་འདི་ནི་སྔགས་ཐམས་ཅད་ཀྱི་མཆོག་ཏུ་བསྟན་ཅིང་གཙོ་བོ་དམ་པ་ཡིན་ཏེ། དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་ཀྱི་སངས་རྒྱས་བཅོམ་ལྡན
245b6 འདས་བརྗོད་དུ་མེད་པ་རྣམས་ཀྱིས་སྔར་གསུངས་པ། དེ་བཞིན་གཤེགས་པ་རིན་ཆེན་ཏོག་གི་མཆོག་གི་སྙིང་པོ་མཆོག་ཏུ་གསང་བ་ཀུན་ནས་བཀྲ་ཤིས་པར་འདོད་པ། སངས་རྒྱས་ཐམས་ཅད་ཀྱིས་ཡང་དག་པར
245b7 བསྟོད་ཅིང་རབ་ཏུ་བསྔགས་ལ། སེམས་ཅན་ཐམས་ཅད་ལ་དབུགས་འབྱིན་པ། སྡིག་པ་ཐམས་ཅད་རབ་ཏུ་ཞི་བར་བྱེད་པ། འདོད་པ་ཐམས་ཅད་སྦྱིན་པ། རེ་བ་ཐམས་ཅད་ཡོངས་སུ་རྫོགས་པར་བྱེད་པ་དེ་གང་ཞེ་ན།
iiif viewer powered by OpenSeadragon
