| e-texts navigator |
| Wylie |
244a1 སླར་ཡང་སྦྱིན་སྲེག་ལ་རབ་འཇུག། གཤེགས་གསོལ་སྤྱན་དྲངས་ཉིད་ལ་ནི།། མེ་ཡི་སྔགས་ནི་བརྗོད་པར་བྱ།། སྔར་ནི་རབ་ཏུ་བརྟགས་པས་ཀྱང་།། དཀྱིལ་འཁོར་འདི་ནི་གཤེགས་གསོལ་དང་།
244a2 སྤྱན་དྲང་བ་ཡི་ལས་རྣམས་ནི།། དེ་ཉིད་དུ་ནི་ལས་རྣམས་ཀྱང་།། དེ་ཉིད་ཀྱིས་ནི་བྱ་བ་ཡིན།། མི་ཡི་སྤྱོད་པ་དེ་བཞིན་གཟུགས།། རས་རིས་ཀྱི་ནི་སྤྱན་སྔར་བརྩམ།། དེར་ནི་སྔགས་རྣམས་འགྲུབ་འགྱུར་བར།། སྔོན་གྱི
244a3 དེ་བཞིན་གཤེགས་པས་གསུངས། ། རྒྱལ་བས་བསྔགས་པའི་ལས་རྣམས་ནི།། ཐམས་ཅད་དེ་ཉིད་དུ་བྱའོ།། གཞན་པའི་ལས་ནི་མི་བྱ་སྟེ།། སྡིག་པའི་ལས་ནི་ཁྱད་པར་དུ།། གང་དུ་རྒྱལ་མཆོག་གིས་སྨོད་དང་།
244a4 འཇིག་རྟེན་འགལ་དང་སྨད་རྣམས་སོ།། ལྡང་དང་འཁོར་ལོས་སྒྱུར་བ་དང་།། བྱང་ཆུབ་སེམས་དཔའི་ས་རྣམས་དང་།། དེ་བཞིན་མངོན་ཤེས་ལྔ་དང་ནི།། འཇིག་རྟེན་ལྷ་ཉིད་ལྡན་པ་འགྲུབ།། རྟག་ཏུ་རས་རིས་ལ
244a5 བརྩོན་ཤེས། ། སྦྱིན་སྲེག་ལས་ལ་མཁས་པ་ནི།། ས་ཡི་འོག་གི་བདག་པོ་འམ།། ཡང་ན་བར་སྣང་སྤྱོད་པར་འགྱུར།། ས་བླའི་ལྷ་དང་གནོད་སྦྱིན་ཉིད།། རྟག་ཏུ་གནོད་སྦྱིན་མོ་རྣམས་འགུགས།། རྒྱལ་སྲིད་བདག
244a6 པོ་ཉིད་དང་ནི། ། ཡུལ་དང་ཡང་ན་གྲོང་ཉིད་དམ།། རིག་པ་འཛིན་དང་ལྷ་མིན་ཉིད།། སེམས་ཅན་ཐམས་ཅད་དབང་དུ་བྱེད།། འབྱུང་པོ་ཐམས་ཅད་འགུགས་པར་བྱེད།། སེམས་དཔའ་ཆེན་པོ་བདག་ཉིད་ཆེ།།
244a7 བྱང་ཆུབ་སེམས་དཔའ་སེམས་དཔའ་ཆེ།། ས་བཅུ་ལ་ནི་ཡང་དག་བརྟེན།། སྦྱིན་སྲེག་ལས་ཀྱིས་འགུགས་བྱེད་ན།། ས་སྟེང་མི་རྣམས་སྨོས་ཅི་དགོས།། སྡེ་དཔོན་བདག་པོ་དེ་བཞིན་དུ།། ཁྱད་པར་འཇིག་རྟེན
iiif viewer powered by OpenSeadragon
