| e-texts navigator |
| Wylie |
243a1 བྱས་ནས། ། འབད་པས་མེ་ནི་སྦར་བར་བྱ།། ཁ་ཡི་རླུང་གིས་མི་བྱ་སྟེ།། རྟག་ཏུ་གོས་ཀྱི་མཐས་ཀྱང་མིན།། ཤམ་ཐབས་བླ་གོས་མངོན་པར་སྤང་།། གོས་གཞན་གྱིས་ཀྱང་ལག
243a2 པ་ཡི། ། རླུང་གིས་ཉེ་བར་གཞོམ་པ་ལ།། མངོན་པར་དགའ་བས་མ་ཡིན་ནོ།། གཙང་མའི་རླུང་ཡབ་དེ་བཞིན་གོས།། ནོར་བུས་ཀྱང་ནི་རླུང་ཡབ་བྱ།། རླུང་ནི་ཡང་དག་འབྱུང་བ་འདིས།། མེ་ནི་མཉམ་པར
243a3 བྱས་པ་ལ། ། སྔགས་ཤེས་པས་ནི་མེ་སྦར་རོ།། སྦྱིན་སྲེག་དོན་དུ་མཉམ་བཞག་པས།། དེ་ནས་གཡས་པ་མིན་པ་ཡིས།། དེར་ནི་བསང་གཏོར་བྱས་ནས་ནི།། དེར་ནི་བ་ཡི་མར་གྱིས་ནི།། སྲེག་བླུགས་གསུམ་ནི།
243a4 སྦྱིན་པར་བྱ།། དེ་ནས་ཀྱང་ནི་ཕྱག་བྱ་སྟེ།། སངས་རྒྱས་ཀུན་དང་སྐྱོབ་པ་དང་།། རང་སྔགས་སྔགས་ཀྱི་མགོན་པོ་ལ།། དེ་ནས་ཅི་འདོད་ཕྱག་བྱའོ།། དེ་ཚེ་མེ་ཡི་སྙིང་པོ་ཡི།། སྔགས་ནི་ལན་བརྒྱ་བཟླས་པ
243a5 ཡིས། ། བརྩོན་ལྡན་དྲི་ཞིམ་མེ་ཏོག་གིས།། རྟག་ཏུ་མེ་ནི་སྤྱན་དྲང་བྱ།། སྔགས་ཤེས་རྟག་ཏུ་སྤྱན་དྲངས་ནས།། གནས་ལ་མཁས་པས་གདན་དང་གནས།། སྔགས་དེས་དབུལ་གྱི་གཞན་གྱིས་མིན།། ཞོ་དང
243a6 མར་དུ་བསྒྲེས་པ་དང་། ། སྦྲང་རྩི་བཏགས་པའི་ཡམ་ཤིང་ནི།། མེ་ལས་ལན་གསུམ་སྦྱིན་སྲེག་བྱ།། རྒྱས་པའི་དོན་དུ་སྔགས་དང་ལས།། ཀུན་ནས་བར་བའི་འཕྲེང་བ་ཡིས།། འཁྲུགས་པ་དེར་ནི་ངེས་སྦྱར་བྱ།།
243a7 སྐོམ་པ་ཚིམ་པར་བསམ་པར་བྱ།། ཞི་བའི་ལས་དང་རྒྱས་པ་ཅན།། དེ་ལ་གསང་སྔགས་རིག་པ་ཡིས།། ལྷ་ཡི་གཟུགས་ནི་དགའ་བའོ།། མངོན་སྤྱོད་ལས་ལ་ཐུན་མོང་བའི།། ངེས་པར་འབྱུང་བའི་ལྷ
iiif viewer powered by OpenSeadragon
