| e-texts navigator |
| Wylie |
242b1 པར་དུ། ། སྦྱིན་སྲེག་གི་ནི་ལས་བྱའོ།། གནས་དེ་ཉིད་དུ་རབ་གནས་པས།། མྱུར་དུ་དངོས་གྲུབ་ཐེ་ཚོམ་མེད།། ཤར་དང་བྱུང་དུ་ཁ་ཕྱོགས་པས།། ཞི་བ་ཅན་དང་རྒྱས་པ་བྱ།། ལྷོ་རུ་དྲག་པོའི་ལས་རྣམས་ཏེ།།
242b2 དེ་ནི་སྔགས་པས་སྤང་བར་བྱ།། ཤར་བལྟས་ཞི་བའི་དངོས་གྲུབ་སྟེ།། རྒྱས་པ་ཅན་ཡང་བྱང་དུ་ཕྱོགས།། དེ་ཡིས་སྔགས་ནི་དུས་རྟག་ཏུ།། རིག་པའི་བཟླས་པ་བརྩམ་པར་བྱ།། བིལ་བ་ཨརྒ་པླཀྵ་དང་།།
242b3 ནྱ་གྲོ་དྷ་ཡིས་རྒྱས་ལས་བྱ།། མངོན་སྤྱོད་ཤིང་ནི་སྐམ་པོ་དང་།། ཚ་བ་མྱུར་དང་རྣོན་པོ་རྣམས།། དེ་དག་ཐམས་ཅད་སྤང་བྱ་སྟེ།། ཐུབ་པ་རྣམས་ཀྱིས་རྟག་ཏུ་བཀག། ཞི་བ་ཅན་དང་རྒྱས་པ་ཅན།། རློན་པའི
242b4 ཤིང་གིས་རབ་ཏུ་ཤིས། ། དེ་བཞིན་དྲག་ལས་ལ་ཤིང་སྐམ།། རྟག་ཏུ་ཐུབ་པ་རྣམས་ཀྱིས་སྤངས།། ཡམ་ཤིང་དེ་རྣམས་མེད་ན་ནི།། ཤིང་ལ་དེ་རྣམས་སུ་བརྟག་བྱ།། རྩེ་མོ་གཉིས་སུ་བརྟག་པར་བྱ།། སྔོ
242b5 དང་སྣུམ་དང་འདྲ་བ་དང་། ། རྨ་བྱའི་མགྲིན་པ་དང་མཚུངས་པའི།། རྣམ་པ་དེ་ལྷའི་ཀུ་ཤ་ཡིས།། ཁོ་ར་ཡུག་ཏུ་ཀུ་ཤ་ནི།། རྟག་ཏུ་དགྲམ་པར་བྱ་བ་ནི།། ཞི་བ་ཅན་དང་རྒྱས་པ་ཅན།། མར་གང་དང་ནི་མཚུང
242b6 པས་སོ། ། དེ་བཞིན་རྟག་ཏུ་སྐམ་པོའི་རྫས།། སྡིག་པའི་ལས་ནི་བྱ་བ་སྟེ།། འདིར་ནི་རྒྱལ་བ་མཆོག་གིས་བཀག། དྲི་མེད་ཆུ་ནི་དག་པ་ལ།། རྟག་ཏུ་སྲིན་བུས་སྤངས་པ་ཡི།། དེ་ནས་ཀུན་ནས་བསང
242b7 གཏོར་བྱ། ། གཡས་ཕྱོགས་སུ་ནི་བསྐོར་བྱས་ཏེ།། བརྩོན་པས་མེ་ནི་སྦར་བར་བྱ།། ཆོ་ག་ཇི་བཞིན་ཉེ་རེག་བྱ།། གཙང་མའི་རྩཝ་ཡི་རྩ་བ་ཡིས།། སྒྲོན་མེ་ཚད་དང་ལྡན་བྱས་ནས།། དེ་ནས་ཁུ་ཚུར་བརྩམས
iiif viewer powered by OpenSeadragon
