| e-texts navigator |
| Wylie |
242a1 ལྗང་དང་དཀར་བའི་ཁ་དོག་གམ།། ཁ་དོག་ནག་པོ་སྤང་བར་བྱ།། སྲིན་བུ་རྣམས་ཀྱིས་ཟོས་པ་སྤང་།། བུ་ག་མེད་པའང་ཡང་དག་སྦྱིན།། གཞན་ཡང་ཁ་དོག་མཆོག་མིན་པ།། ཐ་མའི་ཆོས་ཀྱང
242a2 སྤབླངས་པའོ། ། དེ་རྣམས་སྐམ་དང་རློན་པའང་ཡིན།། དེ་ཡི་ཚེ་ཡང་བརྩམ་པར་བྱ།། མ་རུལ་ཡོན་པོ་མིན་ཉིད་དང་།། ཤིན་ཏུ་རིང་བའང་སྤང་བར་བྱ།། དེ་ནས་མེ་ཐབ་བྱས་ནས་ནི།། ཀུན་ནས་ཟུར་ནི་བཞི་པ་རུ།། ལོག
242a3 ཉིད་དུ་ནི་འབད་པས་བརྐོ། ། ཁྲུ་བཞི་པ་ཡི་ཚད་དང་ནི།། ཁྲུ་གསུམ་ཁྲུ་ནི་གཉིས་པ་དང་།། དེ་བཞིན་ཉིད་དུ་ཁྲུ་གཅིག་པ།། རྟག་ཏུ་སྲོག་ཆགས་སྤངས་པ་དང་།། བྱེ་མས་ལེགས་པར་སྦྱར་བ་དེ།། དེ་ནས་པད་འདྲའི
242a4 ཁ་ཁྱེར་ནི། ། ཀུན་ནས་དཀྱིལ་འཁོར་རྣམ་པའོ།། ཡང་ན་འབད་པས་ཟུར་བཞི་པ།། འདབ་མ་གསུམ་དུ་བྱ་བའོ།། ཞི་བ་ཅན་དང་རྒྱས་པ་ཅན།། འདི་ཡང་ཡང་དག་བསྒྲགས་པ་ཡིན།། མངོན་སྤྱོད་ལ་ནི་སའི་དབུས་སུ།།
242a5 རྡོ་རྗེ་བྱ་ཞིང་རྩེ་གཉིས་སུ།། རྩེ་མོ་གསུམ་དུ་བྱ་བ་ཡིན།། མེ་ཐབ་རྒྱ་ལ་ཁྲུ་གཉིས་རེ།། གཙང་མའི་ཕྱོགས་སུ་དེ་བཞིན་བདར།། ཆུ་ཀླུང་འགྲམ་དུ་དེ་བཞིན་སྤྱད།། བསྟན་པ་གཅིག་གི་ཕྱོགས་རྣམས་དང་།། དུར
242a6 ཁྲོད་ཁང་པ་སྟོང་པ་རུ། ། སྦྱིན་སྲེག་ལེགས་པར་བརྩམ་པར་བྱ།། དེ་བཞིན་རི་བོའི་རྩེ་ཉིད་དང་།། རྟག་ཏུ་ལྷ་ཁང་སྟོང་པ་དང་།། དེ་བཞིན་ཉིད་དུ་དགོན་པ་ཆེ།། གང་ཡང་སྒྲུབ་པའི་ཕྱོགས་རྣམས་ནི།། གང་ཟག
242a7 མཆོག་གིས་གསུངས་པ་དང་། ། སྦྱིན་སྲེག་ལས་ནི་ཐམས་ཅད་ལ།། དེ་རྣམས་གནས་སུ་གསུངས་པ་ཡིན།། ཁྲུ་གང་ཚད་དུ་གནས་པ་ཡི།། ཀུ་ཤའི་ཁྲེས་ལ་ཉེར་འདུག་ནས།། དེར་ནི་སྔགས་ཤེས་ཁྱད
iiif viewer powered by OpenSeadragon
