| e-texts navigator |
| Wylie |
237a1 ཉིད་ཀྱི་བྱི་དོན་གྱི། ། བྱ་བ་ཉིད་ནི་རྟག་ཏུ་བྱ།། བྱ་བ་ལས་དང་འབྲས་བུ་ཉིད།། བྱ་བ་ལས་འབྲས་རྟག་ཏུའོ།། འབྲས་མེད་འབྲས་བུ་ཉིད་འགྱུར་ཞིང་།། འབྲས་བུ་ཉིད་ཀྱང་རྟག་ཏུ་འབྲས
237a2 འབྲས་མེད་འབྲས་བུ་བཅས་པ་ཉིད། ། ཐམས་ཅད་ཉིད་ཀྱང་འབྲས་བུར་བཅས།། རྣལ་འབྱོར་སྔགས་ནི་བསྒྲུབ་བྱ་སྟེ།། ཡང་དག་སྦྱོར་དང་བྲལ་བ་ཡང་།། བྲལ་དང་ཡང་དག་ལྡན་སྒྲུབ་པོ།། བསྒྲུབ་བྱ་སྒྲུབ་བྱེད་མེད
237a3 པར་ནི། ། དེ་ལ་གྲུབ་པ་ཡོད་མ་ཡིན།། གྲུབ་པའི་རྫས་ནི་ཐམས་ཅད་ཀྱང་།། གྲུབ་པའི་རྒྱུ་དང་འགལ་བ་ཡིན།། སྔགས་ཀྱི་དངོས་གྲུབ་མ་གྲུབ་པ།། སྔགས་ནི་སྒྲུབ་པར་བྱེད་པའི་རྒྱུ།། བྱེད་པར་འདོད་པ་དེ་ལས
237a4 ཏེ། ། འདོད་པའི་ལས་ནི་བྱ་བར་འགྱུར།། ལས་མིན་ལས་ནི་ཐམས་ཅད་ལ།། ལས་ཀྱི་རྒྱུད་ནི་མི་བྱའོ།། སྔགས་དང་རྒྱུད་ཀྱི་དོན་ལྡན་པའི།། ལས་ནི་མཐའ་དག་བརྩམ་པར་བྱ།། བརྩམས་དང་རྩོམ་པས་འདུད་པ་ཡི།།
237a5 ལས་ཉིད་བརྩམ་པར་མི་བྱའོ།། བྱ་བ་མ་བརྩམས་སྔགས་རྣམས་ནི།། ལུས་ཅན་ཀུན་ལ་འགྲུབ་མི་འགྱུར།། སེམས་ཅན་ཀུན་རྗེས་སྐྱོང་བ་ཡིས།། ཐུབ་པའི་གཙོ་བོས་སྔོན་གསུངས་པ།། གསང་སྔགས་སྨྲ་བས་བསྟན་པ
237a6 ཡི། ། རྒྱལ་བའི་སྲས་ཀྱིས་ཡང་དག་སྡོམ།། སྒྲུབ་པོ་སྔགས་ནི་ཀུན་ཤེས་ཤིང་།། རྟོག་པའི་རྒྱལ་པོ་འདི་ལ་ཚིག། སྔགས་ཀྱི་ཚུལ་གྱིས་བསྟན་པ་ཡིན།། ལམ་ནི་བྱང་ཆུབ་རྒྱུར་གྱུར་པ།། སྔགས་ཀུན་ཉིད་ནི
237a7 སྒྲུབ་པར་བྱེད། ། རིག་པ་མཉམ་པར་འགྱུར་བ་ཡིན།། དེ་ནི་རིང་པོ་མི་ཐོགས་པར།། མཁས་པས་དངོས་གྲུབ་འགྱུར་བ་ཡིན།། འབྱུང་པོ་ཐམས་ཅད་ཞི་དོན་དུ།། སངས་རྒྱས་ཀུན་གྱིས་རབ་ཏུ་བསྒྲགས།།
iiif viewer powered by OpenSeadragon
