| e-texts navigator |
| Wylie |
235a1 དཔའ་སེམས་དཔའ་ཆེ། ། འཇིག་རྟེན་གསུམ་པོ་རྗེས་འཛིན་བཟོད།། དེ་ནས་གསང་སྔགས་ཟློས་པ་པོ།། སྟན་དེ་ལ་ནི་སླར་ལངས་ནས།། ཐག་རིང་གནས་སུ་སོང་ནས་ནི།། ཕྱི་རོལ་རླུང་གི
235a2 རྣམ་པར་སྤངས། ། སྣབས་དང་མཆིལ་མ་རྣམ་པར་དོར།། བཤང་དང་གཅི་བའང་དེ་བཞིན་ནོ།། ཉིན་པར་བྱང་དུ་ཁ་ཕྱོགས་ཤིང་།། མཚན་མོ་ལྷོ་རུ་ཁ་བལྟའོ།། སྔགས་ཟློས་པོས་ནི་ནམ་ཡང་དེར།། དོན་རྣམས
235a3 བསམ་པར་མི་བྱའོ། ། དེར་ནི་རང་ལས་བྱེད་གསུངས་པའི།། སྔགས་ཀྱི་བཟླས་པ་མི་བྱའོ།། རབ་བསྔགས་འགྲོ་བ་མཚན་སོགས་ཀྱི།། དེ་ཚེ་ས་སྟེང་ཉེར་འདུག་སྟེ།། དག་པའི་ཆུ་ཡིས་ཉེ་རེག་བྱ།། གཙང་མའི་གོས
235a4 མཐའ་ཆུར་གཞུག་བྱ། ། ས་ཡི་ཕུང་པོ་བདུན་ཉིད་ཀྱིས།། འབད་པས་རྐང་པ་བཀྲུས་བྱས་ནས།། རབ་ཏུ་འཛག་པ་བདུན་བླངས་ནས།། བཤང་བ་འཛག་ལ་སུམ་ཅུ་སྟེ།། གཉིས་ཀའི་མཐའ་ལ་ལག་པ་དག། མཆིས
235a5 མདོར་བ་ཉིད་དང་ནི། ། སྣབས་ལའང་གཉིས་ཏེ་དེ་བཞིན་ནོ།། དེ་ནས་འབང་པས་ཉེ་རེག་བྱ།། གནས་ལས་རིང་དུ་སོང་བའི་སར།། དེ་བཞིན་ཟླ་ཙམ་སོང་ནས་ནི།། ལམ་ལ་སོགས་པ་སྤངས་པ་རུ།། དེ་ནས
235a6 གཞན་གྱིས་ཅི་འདོད་བཞིན། ། ལྷོ་ཕྱོགས་མཐའ་ཡི་ཕྱི་རོལ་ཏུ།། ཆུ་དང་གཡང་ས་མེད་པ་དང་།། དེ་བཞིན་བྱེ་མས་ཁྱབ་པ་དང་།། ཆུ་ཀླུང་སྤངས་ཤིང་ངོགས་ཀྱང་སྤངས།། འབད་པས་མི་གཙང་ཆུ་སྤངས་པར།།
235a7 བསང་ཞིང་ཤིན་ཏུ་སྦྱངས་པ་དང་།། བས་མཐའ་ལྗོངས་ནི་སྤངས་པ་དང་།། རྣམ་པར་དབེན་པའི་སར་སོང་ནས།། སྔགས་པས་མི་གཙང་དོར་བར་བྱ།། ཟླས་པོ་དུས་ནི་ཤེས་བྱས་ནས།། ཇི་ལྟར་འདོད་པའི་ཤུགས
iiif viewer powered by OpenSeadragon
