| e-texts navigator |
| Wylie |
22b1 ཕྱོགས་བཞིར་ཁྲོ་བོ་ཆེན་པོ་ནི།། ཤར་དུ་ཁམས་གསུམ་རྣམ་རྒྱལ་ནི།། སྐུ་མདོག་དཀར་པོ་མེ་དཔུང་འབར།། རྡོ་རྗེ་འཁོར་ལོ་སྡིགས་མཛུབ་མཛད།། ཨོཾ་པྲཛྙཱནྟ་ཀྲྀཏ་ཧ་ན་ཧ་ན་ཧཱུཾ་ཕཊ།། ལྷོ་རུ་གཤིན་རྗེ
22b2 གཤེད་པོ་ནི། ། དམར་པོ་ལ་ག་ན་བེ་ཅོན་འཛིན།། ཨོཾ་ཡ་མཱནྟ་ཀྲྀཏ་ཏིཥྛ་ཏིཥྛ་ཧཱུཾ་ཕཊ། ནུབ་ཏུ་རྟ་མགྲིན་དམར་པོ་ནི།། མེ་དཔུང་རྡོ་རྗེ་དབྱུག་པ་འཛིན།། ཨོཾ་ཧ་ཡ་གྲཱི་བ་ཧུ་ལུ་ཧུ་ལུ་ཧཱུཾ་ཕཊ། བྱང་དུ་ཁྲོ་གཉེར་ཅན
22b3 སྐུ་ནི། ། ལྗང་སྔོན་རལ་གྲི་འཛིན་པ་སྟེ།། ཨོཾ་ཨ་མོ་གྷ་ཀ་བྷྲྀ་ཀུ་ཏི་བན་དྷ་བན་དྷ་ཧཱུཾ་ཕཊ། ཕྱོགས་བཞིར་ཕུར་བུ་དག་ལ་ནི།། བདུན་ནམ་ཉི་ཤུ་རྩ་གཅིག་བཟླས།། གཅན་གཟན་དྲི་མ་ཡུངས་ཀར་བསྲེས།།
22b4 གསང་སྔགས་བཟླས་ཤིང་མཁའ་ལ་གཏོར།། ཨོཾ་བཛྲ་ཀྲོ་དྷ་ཧུ་ལུ་ཧུ་ལུ། ཏིཥྛ་ཏིཥྛ། བན་དྷ་བན་དྷ། ཧ་ན་ཧ་ན་ཧཱུཾ་ཕཊ། སེར་བ་སྲུང་བའི་ལེའུ་སྟེ་བཅུ་པའོ།། ། དེ་ནས་བཅོམ
22b5 ལྡན་འདས་ཀྱིས་འོད་ཟེར་རབ་ཏུ་བཀྱེ་སྟེ། ། ཕྱག་སྟོང་དང་སྤྱན་སྟོང་ལས་འོད་ཟེར་འབྱུང་བ་འདི་ལྟ་སྟེ།། དཀར་པོ་དང་། དམར་པོ་དང་། ནག་པོ་དང་། ལྗང་ཁུ་དང་། སེར་པོ་སྟེ། འོད་ཟེར་དེ་དག་གིས
22b6 འགྲོ་བ་རིས་དྲུག་པོ་དེ་དག་ཐམས་ཅད་ལ་ཁྱབ་སྟེ་དབུགས་དབྱུང་བ་མཛད་དོ། ། དེ་ནས་རྒྱ་ཆེན་བཞི་དང་།། སུམ་ཅུ་རྩ་གསུམ་དང་། འཐུབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན
22b7 འཕྲུལ་དབང་བྱེད་དང་། ཚངས་རིས་དང་། ཚངས་པ་ཀུན་འཁོར་དང་། ཚངས་པ་མདུན་ན་འདོན་དང་། ཚངས་པ་ཆེན་པོ་དང་། འོད་ཆེན་དང་། ཚད་མེད་འོད་དང་། འོད་གསལ་དང་། དགེ་ཆུང་དང
iiif viewer powered by OpenSeadragon
