| e-texts navigator |
| Wylie |
220a1 ཁྱོད་ཀྱིས་རྟོག་པའི་རྒྱལ་པོ་གསུངས་པ། སྔར་ངེས་པར་བསྟན་པ། གསལ་བ། ཡིད་གཞུངས་པ་དང་ལྡན་པ། སློབ་དཔོན་དུ་དབང་བསྐུར་བ་ཐོབ་པ། ཁྱོད་ཀྱིས་བསྟན་པའི་ཆོ
220a2 གཤེས་པ། མཁས་པ་གསལ་བ། ཆོས་དང་ལྡན་པ། བདེན་པར་སྨྲ་བ། སྤྲོ་བ་ཆེ་བ། བྱས་པ་གཟོ་བ། བརྟན་པ། སེམས་བཟང་བ། ཧ་ཅང་མི་རྒན་ཅིང་ཧ་ཅང་མི་གཞོན་པ།། རྙེད་པ་དང་བཀུར་སྟི་ཐམས་ཅད
220a3 ལ་འདོད་པ་མེད་པ། ཚངས་པར་སྤྱོད་པ། སྙིང་རྗེ་དང་ལྡན་པ། རྙེད་པ་ཙམ་གྱིས་སམ། ལོངས་སྤྱོད་ཀྱི་རྒྱུར་རམ། རྗེས་སུ་ཆགས་པའི་རྒྱུར་ཡང་བརྫུན་མི་སྨྲ་ན། ཤིན་ཏུ་ཆུང་ངུ་ཙམ་ཉིད་དང་། རྙེད་པ་དང་། རྨོངས
220a4 པའི་རྣམ་པ་ལྟ་ཅི་སྨོས། དམ་བཅས་པ་བརྟན་པ་དང་། འབྱུང་པོ་ཐམས་ཅད་ལ་མཉམ་པ་ཉིད་དུ་སྙིང་བརྩེ་བ་དང་ལྡན་པ་དང་། སྦྱིན་པ་དང་། ཚུལ་ཁྲིམས་དང་། སྔར་སྤྱད་པ་བྱས་པ་ཁྱོད་ཀྱི་གསང་བའི་རིག་པ་དང
220a5 སྔགས་རྗེས་སུ་ཟློས་པ། རིག་པ་སྔོན་དུ་བསྙེན་པ་བྱས་པ། ཁྱོད་ཀྱི་དཀྱིལ་འཁོར་དུ་ཡང་དག་པར་ཞུགས་པ། འཇིག་རྟེན་ཤེས་པ། ཡང་དག་པར་རྗེས་སུ་འཛིན་པར་བྱེད་པ། འབྲས་བུ་དང་ལྡན་ཞིང་མཁས་པ།
220a6 ལེགས་པ་ལ་རབ་ཏུ་ཞུགས་པ། མི་འཇིགས་ཤིང་མི་གནོད་ལ། ཆགས་པ་མེད་པ། དཔའ་བ། བརྩོན་འགྲུས་བརྟན་པ། ནད་མེད་པ་སྟེ། ནད་གང་གིས་ལས་སུ་མི་རུང་བའི་ངང་ཚུལ་ཅན་དང་། རིགས་ཆེ་ཞིང་མཐོ
220a7 བར་རབ་ཏུ་སྐྱེས་པ་ཞེས་པ། ཡོན་ཏན་འདི་རྣམས་དང་ལྡན་པ་ནི་དཀྱིལ་འཁོར་གྱི་སློབ་དཔོན་དུ་འགྱུར་ཏེ། སྒྲུབ་པ་པོའང་དེ་དང་འདྲ་བ་འམ། ཡན་ལག་ཅུང་ཟད་མ་རྫོགས་པའོ།། དེ་ལྟ་བུའི་དཀྱིལ་འཁོར་གྱི་སློབ
iiif viewer powered by OpenSeadragon
