| e-texts navigator |
| Wylie |
218b1 བརྩོན་འགྲུས་ཆེན་པོ་དང་། ལུས་ཆེན་པོར་འགྱུར་རོ།། འཕགས་པ་སྤྱན་རས་གཟིགས་མངོན་སུམ་དུ་མཐོང་ཞིང་། ལེགས་སོ་ཞེས་བྱ་བ་གནང་སྟེ་སྤྱི་བོར་བྱུགས་ནས་ཇི་སྲིད་བྱང་ཆུབ་སྙིང་པོ་རྗེས་སུ་ཐོབ་ཀྱི་བར་དུ་དགེ་བའི
218b2 བཤེས་གཉེན་མཛད་དེ། སྟོབས་བཅུ་པོ་རྣམས་ངེས་པར་ཀུན་ནས་ཐོབ་སྟེ། མཆོད་པའི་འོས་སུའང་འགྱུར་རོ།། སེམས་ཅན་རྣམས་ཀྱིས་ཟིལ་གྱིས་མ་ནོན་པ་དང་། འབྱུང་པོ་ཐམས་ཅད་ཀྱིས་མི་ཚུགས་པར་འགྱུར་རོ།། ཡང
218b3 དག་པའི་མཐའི་རིགས་རྒྱུན་མི་གཅོད་པ་དང་། ས་ཐོབ་པར་ཡང་འགྱུར་རོ།། སྟོབས་བཅུ་དང་། བྱང་ཆུབ་སེམས་དཔའ་ཉིད་དུ་ངེས་པ་དང་། ཏིང་ངེ་འཛིན་དུ་འགྱུར་རོ།། མདོར་བསྡུས་ན་ལས་མཆོག་ཐམས་ཅད་དང་།
218b4 གནས་མཆོག་ལ་གནས་པས་རས་རིས་མཆོག་གི་སྤྱན་སྔར་མཆོད་པ་མཆོག་ལ་མངོན་པར་དགའ་བས་ལས་མཆོག་གཞན་ཉིད་བྱའོ།། རིག་པ་འཛིན་པ་ཉིད་ནམ་མཁའ་ལ་འགྲོ་བ་དང་། བྱང་ཆུབ་སེམས་དཔའི་རྗེས་སུ་འདུག
218b5 པ་དང་། མངོན་པར་ཤེས་པ་ལྔ་དང་། ས་རྗེས་སུ་ཐོབ་པར་བྱེད་པ་ཉིད་དང་། ལུས་འདི་ཉིད་ཀྱིས་འཇིག་རྟེན་གྱི་ཁམས་སུ་ཀུན་ཏུ་འགྲོ་བ་ཉིད་དང་། སྟོབས་བཅུའི་རྒྱུད་ཡོངས་སུ་རྫོགས་པར་བྱེད་པ་ཉིད་ཀྱི་ཕྱིར་དང་།
218b6 འཕགས་པ་བྱམས་པ་མངོན་སུམ་དུ་མཐོང་བ་ཉིད་ཀྱི་ཕྱིར་དང་། ཆོས་བསྟན་པ་དོན་ཡོད་པ་ཉིད་ཀྱི་ཕྱིར་དང་། སངས་རྒྱས་ཀྱི་གདུང་རྒྱུན་མི་གཅོད་པ་ཉིད་ཀྱི་ཕྱིར་དང་། ཐམས་ཅད་མཁྱེན་པའི་ཡེ་ཤེས་ཀུན་ཏུ་གནོན་ཅིང་རྗེས
218b7 སུ་ཐོབ་པར་བྱེད་པ་ཉིད་ཀྱི་ཕྱིར་དང་། ཆོས་ཀྱི་སྤྲིན་རྣམ་པར་འབྱོར་པ་ལ་རྗེས་སུ་འཇུག་པ་ཉིད་ཀྱི་ཕྱིར་དང་། ཉོན་མོངས་པའི་ཡོངས་སུ་གདུང་བ་མེད་ཅིང་བདུད་རྩིའི་ཆར་གྱི་རྒྱུན་གྱིས་རབ་ཏུ་ཞི་བར་བྱེད་པ་ཉིད་ཀྱི་ཕྱིར་དང་།
iiif viewer powered by OpenSeadragon
