| e-texts navigator |
| Wylie |
218a1 བྱས་ལ། ཡར་དེའི་ཟླ་བ་ཉ་བའི་མཚན་མོ་རྫས་དེ་རྣམས་གང་རུང་ཐངས་ཏེ་མཚན་མོ་ཇི་སྲིད་དུ་བཟླས་པ་བྱས་ན་ཉི་མ་འཆར་བའི་དུས་ཀྱི་ཚེ་བར་སྐབས་འདིར་བྲིས་སྐུ་ལ་འོད་ཟེར་གྱི་འཕྲེང་བ
218a2 ཆེན་པོ་ཀུན་ཏུ་མཐོང་ངོ་། ། གལ་ཏེ་སྒྲུབ་པ་པོ་བཞོན་པའི་ཁྱད་པར་བླངས་པར་གྱུར་ན། དེ་ལ་ཞོན་ནས་ཇི་ལྟར་འདོད་པར་འགྲོ་བར་འགྱུར་རོ།། གལ་ཏེ་རྒྱན་གྱི་ཁྱད་པར་རམ། མཚོན་ཆའི་ཁྱད་པར་བླངས
218a3 པ་འམ། བཅངས་པས་རིག་པ་འཛིན་པའི་རྒྱལ་པོ་ཆེན་པོར་འགྱུར་རོ།། ཇི་ལྟར་འདོད་པ་བཞིན་འགྲོ་ཞིང་ལྷའི་ལུས་ཅན་ཉི་མ་ཤར་བ་དང་མཚུངས་པ། འོད་ཟེར་ཆེན་པོའི་འཕྲེང་བ་དང་ལྡན་པ། གློག་ལྟར
218a4 གསལ་བའི་སྐུ། རིག་པ་འཛིན་པ་ཐམས་ཅད་ཀྱི་མངའ་བདག། རིང་དུ་འཚོ་ཞིང་བསྐལ་པ་ཆེན་པོར་གནས་པ། རིག་པ་འཛིན་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་བསྐོར་བའི་ལྷའི་ནོར་བུ་རིན་པོ
218a5 ཆེའི་གཞལ་ཡས་ཁང་ན་སྤྱོད་པ། སྔར་ཡོངས་སུ་བརྟག་པའི་སའི་རང་བཞིན་གྱི་བཞོན་པ་གང་གིས་གྲུབ་པ་དེ་ཉིད་མཐུ་ཆེན་པོར་འགྱུར་ཏེ། དེ་ཉིད་འདིའི་བཞོན་པ་དང་། དེ་ཉིད་འདིའི་གྲོགས་པོ་སྟེ། གཞན་གྱི
218a6 སྔགས་ཀྱི་དངོས་གྲུབ་བཟློག་པར་གྱུར་པ། བདག་གི་སྔགས་ཀྱི་དངོས་གྲུབ་ཀུན་ཏུ་སྦྱར་བར་བྱས་པ། བྱམས་པའི་བདག་ཉིད་ཅན། ཕན་པར་འདོད་པ། རྟག་ཏུ་རྗེས་སུ་བཅིངས་པ། དེ་ཉིད་འདིའི་མཚོན་ཆ་དང་།
218a7 རྒྱན་དང་། རིན་པོ་ཆེའི་བྱེ་བྲག་དང་། སྟན་དང་། མལ་ཆ་དང་། སེམས་ཅན་ལ་སོགས་པ་གང་ཡིན་པ་དེ་ཉིད་འདིའི་བསྲུང་བ་དང་། བསྐྱབ་པ་དང་། སྦ་བ་ཆེན་པོ་རྟག་ཏུ་རྗེས་སུ་འབྲེལ་བར་འགྱུར་རོ།། མཐུ་ཆེན་པོ་དང་།
iiif viewer powered by OpenSeadragon
