| e-texts navigator |
| Wylie |
217a1 ལག་པ་གཡོན་པས་ནི་རྨ་བྱའོ།། དཀར་པོའི་ཟླ་བ་ཉ་བའི་མཚན་ཕྱེད་ན་བྲིས་སྐུ་ལ་མཆོད་པ་ཆེན་པོ་བྱས་ནས། ག་པུར་གྱི་བདུག་པ་བསྲེགས་པའི་དྲི་དང་། ཇི་སྲིད་རམ་ལངས་པའི་བར
217a2 དེ་སྲིད་དུ་བཟླས་པར་བྱའོ། ། དེ་ནས་ཉི་མ་འཆར་བའི་དུས་ཀྱི་ཚེ་དེ་རྨ་བྱའི་རྒྱལ་པོར་འགྱུར་རོ།། འཁོར་ལོའང་འབར་རོ།། བདག་ཉིད་ལྷའི་འཕྲེང་བ་དང་གོས་འཆང་ཞིང་རྣམ་པར་བརྒྱན་པ་དང་། ཉི་མ་འཆར་ཀ་འདྲ
217a3 བར་འདོད་པའི་གཟུགས་ཅན་དུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ཏེ་རས་རིས་ལ་བསྐོར་བ་བྱས་ལ། རས་རིས་བླངས་ནས་རྨ་བྱའི་གདན་དེ་ལ་འདུག་ན་ཡུད་ཙམ་གྱིས་ཚངས་པའི་འཇིག་རྟེན
217a4 ལས་འདའ་བར་བྱེད་དོ། ། རིག་པ་འཛིན་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་བསྐོར་བའི་འོག་འཛིན་གྱི་རྒྱལ་པོ་འཁོར་ལོས་སྒྱུར་བར་འགྱུར། བསྐལ་པ་དྲུག་ཅུའི་བར་དུ་འཚོ་བར་འགྱུར་རོ།། ཇི་ལྟར
217a5 འདོད་པར་འགྲོ་ཞིང་རབ་ཏུ་སྤྱོད་པར་འགྱུར་རོ། ། ཐོགས་པ་མེད་པར་འགྲོའོ།། ལྷའི་ཕུན་སུམ་ཚོགས་པ་དང་ལྡན་པར་འགྱུར་རོ།། འཕགས་པ་སྤྱན་རས་གཟིགས་དབང་ཕྱུག་མངོན་སུམ་དུ་མཐོང་བར་འགྱུར་རོ།།
217a6 དེ་ཉིད་འདིའི་དགེ་བའི་བཤེས་གཉེན་དུ་འགྱུར་རོ།། མཐར་ཡང་སངས་རྒྱས་ཉིད་ཐོབ་པར་འགྱུར་རོ།། དེ་བཞིན་དུ་དབྱིག་པ་དང་། རིལ་བ་སྤྱི་བླུགས་དང་། མཆོད་ཕྱིར་ཐོགས་དང་། ལྡོང་རོས་དང་། གིའུ་ཝང
217a7 དང་རལ་གྲི་དང་། ལྕགས་མདའ་དང་། མཚོན་རྩེ་གཅིག་པ་དང་། དགྲ་བྷ་དང་། མཚོན་ཆའི་ཁྱད་པར་རྣམ་པ་སྣ་ཚོགས་པ། སའི་རང་བཞིན་གྱི་ཁྱད་པར་དང་། རྐང་གཉིས་པ་དང་། རྐང་བཞི་བ་དང་།
iiif viewer powered by OpenSeadragon
