| e-texts navigator |
| Wylie |
216b1 བར་བྱ། ། བདེ་གཤེགས་མཆོད་རྟེན་བཞུགས་པ་ཡི།། ས་སྟེང་རྣམས་སུ་ཀུན་ཏུ་འདུག། འཇིག་རྟེན་མུ་སྟེགས་ཐམས་ཅད་ནི།། ལྟ་བ་ངན་པར་ལྷུང་བ་རྣམས།། མུ་སྟེགས་ཅན་གཞན་གནས་རྣམས་ནི།།
216b2 སྔགས་རིག་པས་ནི་རྟག་ཏུ་སྤང་།། སྔགས་ཤེས་དེར་ནི་མི་བསྡད་དོ།། སྐྱེས་མཆོག་བློ་གྲོས་རྒྱུ་ངན་པ།། རྒྱལ་བ་མཆོག་གིས་གང་བཞུགས་དང་།། རང་རྒྱལ་བསེ་རུ་ལྟ་བུ་དང་།། བྱང་ཆུབ་སེམས་དཔའ
216b3 སྐལ་བ་ཆེ། ། རྒྱལ་མཆོག་སྲས་པོ་ཉན་ཐོས་རྣམས།། དེ་རྣམས་ཀུན་བཞུགས་ས་སྟེང་གི། ཡུལ་རྣམས་ཀུན་ཏུ་སྔགས་ཤེས་པས།། འབད་པས་སྔོན་དུ་བསྙེན་པ་བྱ།། མཉམ་པར་བཞག་པས་གསང
216b4 སྔགས་ནི། ། གནས་དེ་རུ་ནི་བཟླས་པར་བྱ།། གསུངས་པའི་གནས་ནི་འདི་རྣམས་སུ། གསུངས་པའི་ལས་རྣམས་ཐམས་ཅད་དང་།། ལས་ཀྱི་ཆོ་གའི་སྒྲུབ་ཐབས་རྣམས།།
216b5 འདི་རྣམས་རྙེད་པར་མ་གྱུར་ན།། གང་ཡང་རུང་བའི་གནས་དེར་ནི།། གཙང་མས་སྔོན་དུ་བསྙེན་པ་བྱ།། དད་ཅིང་མོས་པས་སྒྲུབ་ཐབས་ཀྱི།། ཆོ་ག་མཆོག་གི་ལས་བརྩམ་མོ།། དང་པོ་རེ་ཞིག་བྲིས་སྐུའི་ཐུ་བོ་ཞལ་ནུབ་ཏུ་བསྟན
216b6 ནས་བཞག་སྟེ། བདག་ཉིད་ཤར་དུ་མངོན་པར་ཕྱོགས་ལ་གྲོག་མཁར་གྱི་ས་འམ། གངྒཱའི་ཀླུང་གི་འགྲམ་གྱིས་བླངས་ནས། པུ་ཤེལ་ཙི་དང་། ཙན་དན་དཀར་པོ་དང་། གུར་ཀུམ་དང་། ག་པུར་རྣམས་བསྲེས་ལ
216b7 རྨ་བྱའི་གཟུགས་བྱས་ཏེ། དེ་བྲིས་སྐུའི་སྤྱན་སྔར་བཞག་ནས་རྩེ་མོ་མ་བཅད་པའི་ཀུ་ཤ་གཙང་མའི་ཕྱོགས་ནས་བྱུང་བས་འཁོར་ལོའི་རྣམ་པ་བྱས་ནས་བྲིས་སྐུའི་སྤྱན་སྔར་ལག་པ་གཡས་པས་བཟུང་སྟེ།
iiif viewer powered by OpenSeadragon
