| e-texts navigator |
| Wylie |
216a1 བདག་དང་གྲོགས་རྣམས་བསྲུངས་བྱས་ནས།། སྔར་སྤྱད་གསང་སྔགས་ལྡན་པ་དང་།། སྔགས་པས་རྟག་ཏུ་སྔགས་བཟླས་བྱ།། དགོན་པ་ཆེ་མཆོག་ཤིང་ཆེན་དང་།། མེ་ཏོག།
216a2 འབྲས་བུ་ལ་སོགས་འབྱུང་།། རི་ཡི་རྩེ་དང་ཁུང་བུ་དང་།། ཆུ་ཡི་གནས་ནི་གཙང་མར་བཅས།། འབབ་ཆུ་ཆེ་འགྲམ་ཡིད་འོང་བར།། སྔགས་རིག་པས་ནི་སྔགས་བསྙེན་བྱ།། སྔགས་ཤེས་གནས་འདི
216a3 ངེས་རྟོགས་བྱེད། ། ཤར་ཕྱོགས་སུ་ཡང་ཆུ་ཀླུང་ཆེ།། ལུ་ཧི་ཏ་འགྲམ་དགེ་བ་དང་།། དེ་བཞིན་ཀཱ་མ་རུ་པའི་ཡུལ།། གྲོང་མཆོག་འཕེལ་བར་བྱེད་པ་དང་། དམའ་བ་གང་དུ་འདི་འགྲོ་མཆོག། འདུག་པ་དང་།
216a4 ནི་ཆུ་ཀླུང་མཆོག། གནས་དེར་རྟག་ཏུ་ཟློས་པ་དང་།། གཙང་མ་བློ་གྲོས་ལྡན་པས་བསྟེན།། སྔོན་དུ་བསྙེན་པའང་དེར་གྱིས་ཤིག། གངྒཱའི་སྒོ་རུ་ལས་རྣམས་ཀུན།། དེ་བཞིན་རྟག་ཏུ་གངྒཱ་དང་།། དུག་ཅན
216a5 པ་ནི་ཕྲད་པ་རུ། ། རབ་ཏུ་སྦྱོར་བ་ཀུན་ཉིད་དང་།། གཙང་མའི་སྔགས་ཀྱི་བཟླས་པ་བྱ།། དུར་ཁྲོད་ཆེ་དང་གཞན་ཉིད་ནི།། ཟློས་པོས་དེར་ནི་རྟག་ཏུ་བཟླས།། དྲི་མེད་ཆུ་དང་འབབ་ཆུ་ནི།། སྲོག་ཆགས་རྣམས
216a6 ཀྱིས་སྤངས་པ་རུ། ། དེ་ཉིད་ཕྱིར་ནི་ཤིན་ཏུ་ནི།། མཉམ་བཞག་སྔགས་ཀྱི་ཟླས་པ་བྱ།། དེར་ནི་འཇིག་རྟེན་བསམ་པ་ཡི།། བསོད་ནམས་མིན་པ་ཅུང་ཟད་མཐོང་།། འོན་ཀྱང་སྔགས་ཀྱི་ཉེར་བསྟན་པས།། ཅུང་ཟད
216a7 དུས་སུ་འདུག་པར་བྱ། ། དེ་ནས་གཞན་དུ་འགྲོ་བར་བྱ།། ཟླ་བ་གཟས་ཟིན་དུས་དེར་ནི།། དུས་ལ་བབ་ན་དུས་ཅུང་ཟད།། དེར་འདུག་བྱ་ཡི་གཞན་དུ་མིན།། གཞན་དུ་སྔགས་རིག་ཅི་ནུས་པས།། དེ་ནས་མྱུར་དུ་འགྲོ
iiif viewer powered by OpenSeadragon
