| e-texts navigator |
| Wylie |
208a1 རོ། ། བྲིས་སྐུ་གནས་པ་དེ་ཉིད་དུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ།། དེ་རྣམས་ཀྱི་བྱིན་གྱིས་བརླབས་ཀྱང་ཤེས་སོ།།
208a2 ཞིང་སྟོང་ཕྲག་ཀྱང་འདའ་བར་བྱེད་དོ།། ལུས་སྟོང་ཕྲག་སྟོན་པར་བྱེད་དོ།། རྫུ་འཕྲུལ་གྱི་མཐུ་དུ་མ་ཡང་དག་པར་འབྱིན་པར་བྱེད་པར་འགྱུར་རོ།། འཕགས་པ་སྤྱན་རས་གཟིགས་དབང་ཕྱུག་དགེ་བའི
208a3 བཤེས་གཉེན་དུ་འགྱུར་རོ། ། ངེས་པར་བྱང་ཆུབ་ལ་གཞོལ་བར་འགྱུར་རོ།། བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་སྡེ་སྣོད།། བཅོམ་ལྡན་འདས་མ་འཕགས་མ་སྒྲོལ
208a4 མ་རལ་པ་གྱེན་བརྫེས་ཀྱི་རྩ་བའི་ཆོ་ག་བྲིས་སྐུ་རབ་འབྱམ་ལས། མཆོག་གི་སྒྲུབ་པའི་ཐབས་ཀྱི་ཆོ་ག་ལས་ཀྱི་འབྲས་བུ་དྲུག་པ་རྫོགས་སོ།། ། དེ་ནས་ཡང་སེམས་དཔའ་ཆེན་པོས
208a5 ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ན་འདུག་པའི་ལྷ་ཚོགས་རྣམས་ལ་བཀའ་སྩལ་པ། གྲོགས་པོ་དག་ཁྱེད་ཅག་ཉོན་ཅིག། ལས་ཆེན་པོ་དང་བཅས་པའི་རིག་པ་འཕགས་མ་སྒྲོལ་མའི་སྤྱོད
208a6 པའི་དཀྱིལ་འཁོར་སྒྲུབ་པར་བྱེད་པའི་ལས་ཀྱི་ཆོ་ག་སྒྲུབ་པ་པོ་སྲུང་བའི་དོན་དུ་གསང་བ་དམ་པ་མཆོག་གི་སྙིང་པོ་དེ་བཞིན་གཤེགས་པ་ཐམས་ཅད་ཀྱིས་གསུངས་པ། རིག་པའི་རྒྱལ་མོ་ཆེན་མོ་གང་གིས་བཟླས
208a7 པས་སྔགས་ཐམས་ཅད་བཟླས་པར་འགྱུར་རོ། ། ཀྱེ་ཀྱེ་ལྷའི་ཚོགས་རྣམས་འདི་ནི་འདའ་བར་བྱེད་པ་མ་ཡིན་པའི་རིག་པའི་རྒྱལ་མོ་བྱང་ཆུབ་སེམས་དཔའ་ས་བཅུའི་དབང་ཕྱུག་ཀྱང་རིག་པ་འདིས་འགུགས་ཤིང
iiif viewer powered by OpenSeadragon
