| e-texts navigator |
| Wylie |
206b1 ཚུལ་གྱིས་བཅོམ་ལྡན་འདས་ཀྱི་ཞབས་གཉིས་པོ་ལ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། སངས་རྒྱས་བཅོམ་ལྡན་འདས་རྣམས་ནི་རྒྱུ་མ་མཆིས་རྐྱེན་མ་མཆིས་པར་འཛུམ་པ
206b2 མི་མཛད་ན། བཅོམ་ལྡན་འདས་འཛུམ་པ་མཛད་པའི་རྒྱུ་གང་ལགས། རྐྱེན་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ
206b3 ལ་བཀའ་སྩལ་པ། ལག་ན་རྡོ་རྗེ་དེ་དེ་བཞིན་ནོ།། དེ་དེ་བཞིན་ཏེ། དེ་བཞིན་གཤེགས་པ་ནི་ཇི་སྐད་སྨྲས་པ་དེ་བཞིན་དུ་རྒྱུ་མེད་རྐྱེན་མེད་པར་འཛུམ་པ་མི་མཛད་ཀྱི། རྒྱུ་ཡོད། རྐྱེན་ཡོད་དོ།། གང་ཞིག་མདོ་སྡེའི་དབང
206b4 ། པོ་བཅོམ་ལྡན་འདས་མ་འཕགས་མ་སྒྲོལ་མའི་རྩ་བའི་ཆོ་ག་རིག་པའི་སྤྱོད་པ་རྗེས་སུ་སྒྲུབ་པ་ལས་སྒྲུབ་པར་བྱེད་པའི་ཐབས་ལ་ཡང་དག་པར་གཞོལ་བ། ཆོས་ཀྱི་སྤྲིན་ལ་བརྟེན་ཅིང་ཡང་དག་པར་རྗེས་སུ
206b5 འཇུག་ཅིང་རྗེས་སུ་འབྲང་བར་བྱེད་པར་འགྱུར་པ་དང་། འཛིན་པར་འགྱུར་པ་དང་། ཀློག་པར་འགྱུར་བ་དང་། དད་པར་འགྱུར་བ་དང་། གླེགས་བམ་དུ་བྲི་བར་བྱས་ནས་མཆོང་པར་འགྱུར་བ་དང་། ཙན་དན
206b6 དང་། ཕྱེ་མ་དང་། བྱུག་པ་དང་། བདུག་པ་དང་། འཕྲེང་བ་དང་། གདུགས་དང་། རྒྱལ་མཚན་དང་། བ་དན་རྣམ་པ་སྣ་ཚོགས་པ་འམ། སིལ་སྙན་གྱི་རྣམ་པའི་ཁྱད་པར་རམ། རོལ་པོ་སྣ་ཚོགས
206b7 དང་། ཕེག་རྡོབ་པ་དང་། ཐ་ན་རྗེས་སུ་ཡི་རང་བ་དང་ལྡན་པའི་སེམས་རྒྱུན་དུ་ཐོབ་པ་འམ། སྤུ་ཟིང་ཞེས་བྱེད་པ་སྐྱེ་བར་བྱེད་པར་འགྱུར་བ་འམ། རིག་པའི་མཐུ་དང་ནུས་པ་ཐོས་ནས་དགའ་བ་སྐྱེ་བར་འགར
iiif viewer powered by OpenSeadragon
