| e-texts navigator |
| Wylie |
206a1 ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་ཅག་གིས་འབྱོར་པ་བསྟེན་པར་མཛད་ཅིང་སྔགས་ཀྱི་སྤྱོད་པའི་ཡོན་ཏན་སྒྲུབ་པའི་མཐུ་གསལ་བར་མཛད་པ་ལེགས་པར
206a2 གསུངས་པ་ནི་ལེགས་སོ། ། བཅོམ་ལྡན་འདས་གང་ད་ལྟ་དེའི་དུས་ལ་བབ་པར་དགོངས་ནས་བདག་ཅག་ལ་ཐུགས་བརྩེ་བའི་སླད་དུ་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང
206a3 ལྡན་པའི་འཁོར་གྱི་དཀྱིལ་འཁོར་ལ་གཟིགས་ནས་འཛུམ་པ་མཛད་དོ། ། དེ་ནས་བཅོམ་ལྡན་འདས་ཤཱཀྱ་ཐུབ་པའི་ཞལ་གྱི་སྒོ་ནས་འོད་ཟེར་སྔོན་པོ་དང་། སེར་པོ་དང་། དཀར་པོ་དང་། བཙོད་ཀ་དང་། ཤེལ་གྱི་ཁ
206a4 དོག་ལ་སོགས་པ་བྱུང་བར་གྱུར་ཏོ། ། འོད་ཟེར་དེ་བྱུང་མ་ཐག་ཏུ་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་སྣང་བར་བྱས་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་དུད་ཀྱི་གནས་ཐམས་ཅད
206a5 སྤ་བཀོང་བར་མཛད་ནས། རྒྱུ་སྐར་གྱི་འོད་དང་། རིའི་ལྷའི་ཚོགས་ཀྱི་འོད་དང་། གང་དུ་ཟླ་བ་དང་ཉི་མ་འདི་ལྟར་མཐུ་ཆེ་ཞིང་རྫུ་འཕྲུལ་ཆེ་བ་དེ་དག་གི་འོད་ཀྱང་སྤ་བཀོང་བར་མཛད་ནས། དེ་རྣམས་མི་གསལ་ཞིང
206a6 འོད་མེད་པར་གྱུར་ཏེ་རྣམ་པར་སྣང་བར་མི་འགྱུར་ཞིང་སྤ་བཀོད་པར་མཛད་དེ། ནོར་བུ་དང་། སྔགས་དང་། སྨན་དང་། རིན་པོ་ཆེའི་འོད་ཐམས་ཅད་འོད་མེད་པར་བྱས་ནས། སླར་ཡང་བཅོམ་ལྡན་འདས་ཤཱཀྱ
206a7 ཐུབ་པའི་ཞལ་གྱི་སྒོར་ནུབ་པར་གྱུར་ཏོ། ། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་འཁོར་གྱི་དཀྱིལ་འཁོར་དེ་ཉིད་ན་འདུས་ཤིང་འཁོད་པར་གྱུར་པ་དེ་སྟན་ལས་ལངས་ནས། རིངས་པའི
iiif viewer powered by OpenSeadragon
