| e-texts navigator |
| Wylie |
205b1 རྣམས་ཀུན་དང་ཁྱད་པར་དུ། ། གསང་སྔགས་རྣམས་ནི་ཐམས་ཅད་ནི།། དད་པ་མེད་ན་མི་འགྲུབ་བོ།། འཇིག་རྟེན་པ་ཡི་ལྷ་རྣམས་དང་།། གང་ཡང་འཇིག་རྟེན་འདས་དེ་བཞིན།། དད་དང་ལྡན་པར་བརྗོད་པ་དང་།།
205b2 རྙོག་པ་བྲལ་བས་འགྲུབ་པར་འགྱུར།། ཡིད་ནི་བྱང་ཆུབ་དེར་སོན་པས།། དེ་རྣམས་བྱང་ཆུབ་ངེས་པར་འགྲུབ།། གཞན་གྱིས་གྲུབ་པར་མ་གསུངས་ཏེ།། བསྟན་པ་འདི་ལས་ཟློག་པ་ཡིན།། རས་རིས་ཆུང་དང་ཆེན་པོ་དང་།།
205b3 བར་མ་ཡོངས་སུ་བསྒྲགས་པ་ཡིན།། ལས་རྣམས་ཐམས་ཅད་སྒྲུབ་བྱེད་པ།། དེ་ནི་རབ་ཏུ་བཤད་པར་བྱ།། བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེ་ལས། བཅོམ་ལྡན་འདས
205b4 མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་ཆོ་ག་ལས། ། རས་རིས་ཀྱི་ཆོ་ག་རབ་འབྱམ་ལྔ་པ་རྫོགས་སོ།། ། དེ་ནས་ཡང་བཅོམ་ལྡན་འདས་ཤཱཀྱ་ཐུབ་པས། བྱང་ཆུབ་སེམས་དཔའ
205b5 སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། སེམས་དཔའ་ཆེན་པོ་ཁྱོད་ཀྱིས་སེམས་ཅན་དེ་རྣམས་ཀྱི་དོན་གྱི་ཕྱིར་བསྟན་པ་གང་ཡིན་པ་དེ་རྣམས་རས་རིས་ཀྱི་ཆོ་ག་རབ་འབྱམ་བཤད་པ་འདི
205b6 ཐབས་ཉུང་ངུ་ཉིད་ཀྱིས་འགྲུབ་པར་འགྱུར་ཏེ། དེ་རྣམས་ཀྱི་དོན་གྱི་ཕྱིར་སྒྲུབ་པར་བྱེད་པའི་ཐབས་ཡོན་ཏན་རྒྱས་པ་རབ་ཏུ་དབྱེ་བས་རྣམ་པར་ཕྱེ་བ་ལས་རྣམ་པར་དབྱེ་བ་དེ་ཡང་དག་པར་འཐུན་པར་བཤད་པར་བྱ་ཡི།།
205b7 དེ་ལེགས་པར་ཉོན་ལ་ལེགས་པར་ཡིད་ལ་གྱིས་ཤིག། སེམས་ཅན་ཐམས་ཅད་ཀྱི་དོན་གྱི་ཕྱིར་བཤད་པར་བྱའོ།། དེ་ནས་ཡང་བྱང་ཆུབ་སེམས་དཔས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ
iiif viewer powered by OpenSeadragon
