| e-texts navigator |
| Wylie |
204b1 ལས་བྱུང་བའི་ཀླུའི་རྒྱལ་པོ་དགའ་བོ་དང་ཉེ་དགའ་གཉིས་མཚོ་ཆེན་པོ་ལས་སྐྱེས་པའི་པདྨའི་སྡོང་བུ་ལ་འཛིན་པ། ཀླུའི་རྒྱལ་པོ་དེ་གཉིས་ཁ་དོག་དཀར་བ། གདེངས་ཀ་བདུན་གྱིས་བརྒྱན་པ། རྒྱན་ཐམས་ཅད་ཀྱིས
204b2 མཛེས་པ། ལུས་ཕྱེད་མིའི་ལུས་ཁ་སྦྲུལ་གྱི་གདེངས་ཀ་ས་མཚན་པ། ཕྱེད་སྦྲུལ་གྱི་ལུས་འཕགས་པ་སྤྱན་རས་གཟིགས་དབང་ཕྱུག་ལ་ངེས་པར་རྟོག་བཞིན་པ། ཕྱེད་ཆུའི་ནང་དུ་ནུབ་པ། ནོར་བུ་རིན་པོ་ཆེ་དང
204b3 གོ་ཀྱིས་ཉེ་བར་མཛེས་པ་བྲི་བར་བྱའོ། ། མཚོན་ཆེན་པོ་དེའི་ཁོར་ཡུག་གི་འོག་ཏུ་རས་རིས་ཀྱི་མཐའི་གྲཝ་གཡས་ཀྱི་གཞོགས་སུ་སྒྲུབ་པ་པོ། འཕགས་པ་སྤྱན་རས་གཟིགས་དབང་ཕྱུག་གི་ཞབས་ཀྱི་དཀྱིལ
204b4 འཁོར་ལ་ངེས་པར་རྟོག་བཞིན་པ། ལག་ན་སྤོས་ཕོར་ཐོགས་པ། ལུས་དང་པུས་མོའི་ལྷ་ང་འདུད་པ། ཆ་བྱད་དང་ཁ་དོག་ཇི་ལྟ་བ་དེ་བཞིན་དུ་མངོན་པར་བྲིའོ།། འཕགས་པ་སྤུ་ན་རས་གཟིགས་དབང་ཕྱུག་གི
204b5 སྟེང་དུ་རས་རིས་ཀྱི་མཐའ་གཉིས་སུ་ལྷའི་བུ་འཕྲེང་བ་འཛིན་པ་གཉིས་མེ་ཏོག་གི་འཕྲེང་བ་བཟུང་ནས་ནམ་མཁའ་ལ་ལྡིང་བ། མེ་ཏོག་གི་ཚོགས་ཆེན་པོ་འཐོར་བར་བྱེད་བཞིན་པ། ཤིན་ཏུ་མཛེས་པ་དག
204b6 མངོན་པར་བྲིའོ། ། རས་རིས་དེའི་ཁོར་ཡུག་ཏུ་ན་ག་གེ་སར་ལ་སོགས་པའི་མེ་ཏོག་རབ་ཏུ་བཀྲམ་པ་བྲི་བར་བྱ་སྟེ། ཇི་ལྟར་འདོད་པའི་གཟུགས་གསུམ་ལྷག་པར་གནས་པ་འམ། མངོན་པར་བྲིའོ།།
204b7 འཕགས་པ་སྤྱན་རས་གཟིགས་དབང་ཕྱུག་ཆོས་སྟོན་པར་མཛད་བཞིན་པ་དང་། འཕགས་པ་ཀུན་ཏུ་བཟང་པོ་དང་། འཕགས་པ་ཕྱག་ན་རྡོ་རྗེ་ཕྱག་ན་རྔ་ཡབ་ཐོགས་པ་འདྲིར་གཞུག་པར་བྱའོ།། སྒྲུབ་པ་པོ་ཇི
iiif viewer powered by OpenSeadragon
