| e-texts navigator |
| Wylie |
204a1 བླ་གོས་མནབས་པ། སེང་གེའི་ཁྲི་ལ་སྐྱིལ་ཀྲུང་ཕྱེད་པས་བཞུགས་ཏེ་ཆོས་འཆང་བཞིན་པ། ཞབས་གཡས་པ་རིན་པོ་ཆེའི་ཞབས་རྟེན་ལ་བཞག་པ། སེང་གེའི་ཁྲི་ལ་བཞུགས་པ། རྣམ་པ་ཐམས་ཅད
204a2 ཀྱི་མཆོག་དང་ལྡན་པ། བལྟ་ན་སྡུག་པ། བཞིན་ཅུང་ཟད་འཛུམ་པ། སྒྲུབ་པ་པོ་ལ་གཟིགས་པར་གྱུར་པ་བྲི་བར་བྱའོ།། གཡས་ཀྱི་གཞོགས་སུ་འཕགས་པ་ཀུན་ཏུ་བཟང་པོ་པྲི་ཡང་ཀུ་ལྟར་སྔོ་བསངས། རྔ་ཡབ་དཀར་པོ
204a3 གཡོ་བ་བཞིན་པ། ཕྱག་གཡོན་ནི་ཡང་བཞིན་གྱི་ནོར་བུ་བསྣམས་པ། ལུས་ཐམས་ཅད་མཛེས་པ། རྒྱན་ཐམས་ཅད་ཀྱིས་བརྒྱན་པ། དར་ལ་སྔོན་པོ་གཡོ་བ་དང་བཅས་པའི་ཤམ་ཐབས་མནབས་པ། མུ་ཏིག་གི་དོ་ཤལ
204a4 གྱི་མཆོད་ཕྱིར་ཐོགས་པ་ཅན། ཕྱག་གཡོན་པས་པདྨ་དཀར་པོ་བསྣམས་པ། ཕྱག་གཡས་པས་རྔ་ཡབ་དཀར་པོ་གསེར་གྱི་ཡུ་བ་ཅན་བསྣམས་ནས་གཡོབ་པར་བྱེད་བཞིན་པ། ཞི་བའི་རྣམ་པ་ཅན། སྤྱན་རས
204a5 གཟིགས་དབང་ཕྱུག་ལ་ལྟ་བར་གྱུར་པའོ། ། དེ་བཞིན་དུ་འཕགས་པ་ཀུན་ཏུ་བཟང་པོ་པདྨ་དཀར་པོའི་གདན་ལ་བཞུགས་པ་སྟེ། དེ་དག་གཉིས་ཀའང་དེ་ལྟར་མངོན་པར་བྲིའོ།། པདྨའི་སྡོང་བུ་གཅིག་ལས་འཐོན་པའི
204a6 པདྨ་གསུམ་གྱི་དབུ་མ་རྩ་བའི་པདྨའི་ཟེ་འབྲུ་ལ་བྱང་ཆུབ་སེམས་དཔའ་ཆེན་པོའི་སེང་གེའི་ཁྲི་དང་རིན་པོ་ཆེའི་ཞབས་རྟེན་ནོ། ། པདྨ་གཞན་ལ་ནི་འཕགས་པ་ཀུན་ཏུ་བཟང་པོའོ།། པདྨ་གསུམ་པ་ལ་ནི་འཕགས
204a7 པ་མཐུ་ཆེན་ཐོབ་བོ། ། པདྨའི་སྡོང་བུ་དེ་ནི་མཛེས་པ། རིན་པོ་ཆེ་མར་གད་ཀྱི་རྣམ་པ་ལ་པདྨའི་མེ་ཏོག་དུ་མ་ཁ་མ་བྱེ་བ་དང་། ཕྱེད་ཙམ་ཁ་བྱེ་བ་དང་། མེ་ཏོག་ཁ་བྱེ་བ་དང་ལྡན་པ། མཚོ་ཆེན་པོ་མ་དྲོས་པ
iiif viewer powered by OpenSeadragon
