| e-texts navigator |
| Wylie |
203b1 ཨོཾ་ཧེ་ཧེ་བྷ་ག་བཱན། བཱ་ཧུ་རཱུ་པ་དྷ་ར་དི་བྱ་ཙཀྵ་ཥ། ཨ་བ་ལོ་ཀ་ཡ། ཨ་བ་ལོ་ཀ་ཡ་མཱཾ་ས་མ་ཡ་མ་ནུ་ཝ་ར། ཀུ་མཱ་ར་རཱུ་པ་དྷཱ་རིཿཎ། མ་ཧཱ་བོ་དྷི་སཏྭེ། ཀིཉྩི་རཱ་ཡ་སི་ཧཱུཾ་ཕཊ་ཕཊ་སྭཱཧཱ། སྔགས་འདི་བཟླས་པ་བྱས
203b2 ལ་དེ་ཉིད་དུ་ཉལ་བར་བྱའོ། ། རྨི་ལམ་དུ་གྲུབ་པའམ་མི་འགྲུབ་པ་སྟོན་པར་འགྱུར་རོ།། དེ་ནས་ལངས་ནས་གྲུབ་པའི་མཚན་མའི་རྨི་ལམ་མཐོང་ན། རིང་པོ་མི་ཐོགས་པར་རས་རིས་བྲི་བར་བྱའོ།། གལ་ཏེ་གྲུབ་པའི་མཚན
203b3 མའི་རྨི་ལམ་མ་མཐོང་ན་རས་དེ་སྣོད་དེ་ནས་ཕྱུང་སྟེ་ཉི་མ་ལ་བསྐམ་པར་བྱའོ། ། བསྐམས་ནས་སླར་ཡང་སྣོད་གསར་པ་གཞན་ཞིག་ཏུ་ལེགས་པར་སྦས་ལ་བསྲུང་བ་བྱས་ཏེ་གཞག་པར་བྱའོ།། དེ་ནས་སླར་ཡང་མཆོག་གི་སྙིང་པོ་དེ
203b4 རྣམས་ལས་སྔགས་གང་ཡང་རུང་བ་གཅིག་བཟུང་ནས་ཇི་ལྟར་འདོད་པ་བཞིན་དུ་ཡི་གེ་དྲུག་པོ་རྣམས་ལས་སླར་ཡང་ཡི་གེ་འབུམ་བཟླས་པར་བྱའོ། ། དེ་ནས་ཆེས་མྱུར་བར་རས་རིས་འགྲུབ་པར་འགྱུར་རོ།། དང་པོ་རེ་ཞིག་རས་དེ
203b5 བླངས་ནས། ཆོ་འཕྲུལ་གྱི་ཟླ་ཕྱེད་དམ། གཞན་ཡང་དཀར་པོའི་ཉི་མ་དང་། རྒྱུ་སྐར་དགེ་བ་དང་ཡང་དག་པར་ལྡན་པ། དགེ་བའི་ཚེ་དཀར་པོའི་གཟའི་རེས་ཀྱི་ཉི་མ་ལ་ཤིན་ཏུ་མཛེས་པའི་དགེ་མཚན་དང་། བཀྲ་ཤིས་ཕུན
203b6 སུམ་ཚོགས་པའི་མཚན་མོ་ནམ་ཕྱེད་ཀྱི་དུས་ཀྱི་ཚེ། རི་མོ་མཁན་གསོ་སྦྱོང་ལ་ཉེ་བར་གནས་པས་རས་རིས་དེ་འདྲིར་གཞུག་པར་བྱའོ།། གཙང་བའི་ཕྱོགས་སུ་ག་པུར་གྱི་བདུག་པ་བསྲེགས་ཏེ། དང་པོ་རེ་ཞིག་འཕགས་པ་སྤྱན
203b7 རས་གཟིགས་དབང་ཕྱུག་སྐུ་རྒྱན་ཐམས་ཅད་ཀྱིས་བརྒྱན་པ་བྱས་ཏེ། དབུ་ཟུར་བུད་ཅན་སྐྱེས་བུ་ཆེན་པོའི་མཚན་གྱིས་རྣམ་པར་བརྒྱན་པ། གསེར་གྱི་མདོག་ཅན། དར་ལ་སྔོན་པོ་གཡོ་བཞིན་པའི་ཤམ་ཐབས་ཅན། དར་ལ་སྔོན་རྡོས
iiif viewer powered by OpenSeadragon
