| e-texts navigator |
| Wylie |
201b1 འགྱུར་བ། ། མ་འོངས་པའི་དུས་འཇིག་རྟེན་གྱི་བླ་མ་མྱ་ངན་ལས་འདས་པ་ན་དེ་བཞིན་གཤེགས་པ་ཉི་མའི་རིགས་ནུབ་པ། སངས་རྒྱས་དང་། བྱང་ཆུབ་སེམས་དཔའ་དང་། རང་སངས་རྒྱས་དང་། འཕགས་པ་ཉན་ཐོས
201b2 ཐམས་ཅད་ཀྱིས་སྤངས་ཤིང་ཐམས་ཅད་བོར་ཏེ་མུན་པར་གྱུར་པ་དང་། སྣོད་ཀྱི་འཇིག་རྟེན་རྣམ་པར་ཞིག་སྟེ། འཕགས་པའི་ལམ་དང་། རིག་པ་དང་། སྔགས་དང་། སྨན་དང་། ནོར་བུ་རིན་པོ་ཆེ་ཐམས་ཅད་དང་བྲལ་བ།
201b3 སྐྱེ་བོ་ལེགས་པས་ཡོངས་སུ་གཟུང་བའི་སྣང་བ་མེད་པའི་སེམས་ཅན་གྱི་ཁམས་འབྱུང་བར་འགྱུར་ཏེ། ལེ་ལོ་ཅན་དང་། དྲན་པ་ཉམས་པ་དང་། མ་དད་པ་དང་། མི་སྲུང་བ་དང་། མི་དགེ་བའི་བཤེས་གཉེན་གྱིས
201b4 ཡོངས་སུ་ཟིན་པ། སྒྱུ་དང་། གཡོ་དང་། རྫུན་དང་། གཡོ་བའི་སྤྱོད་པ་དང་ལྡན་པ་དེ་རྣམས། ཆོས་ཀྱི་རྣམས་གྲངས་འདི་ཐོས་ནས་ཀུན་ཏུ་སྐྲག་པར་འགྱུར་ཏེ། ལེ་ལོ་དང་སྙོམས་ལས་ལ་མངོན་པར་དགའ་ཞིང་དད
201b5 པ་མེད་པར་འགྱུར་ཏེ། འདོད་པ་ཚོལ་ཞིང་གསང་སྔགས་ཚོལ་བར་མི་འགྱུར་ཏེ། ལོག་པར་ལྟ་བ་ལ་དགའ་བ་རྣམས་ཀྱང་བསོད་ནམས་མ་ཡིན་པ་མང་པོ་ལ་རབ་ཏུ་འཇུག་པར་འགྱུར་ཏེ། དམ་པའི་ཆོས་སྤོང་བར་བྱེད་པ
201b6 འབྱུང་བར་འགྱུར་རོ། ། མནར་མེད་པ་ལ་མཆོག་ཏུ་གཞོལ་ཞིང་དྲག་པོའི་ཡང་དྲག་པོར་འགྲོ་བ་སྡུག་བསྔལ་གྱིས་གདུངས་པ་དེ་རྣམས་ཀྱི་དོན་གྱི་ཕྱིར་དང་། དབང་དུ་མ་གྱུར་པ་རྣམས་དབང་དུ་གྱུར་པར་བྱ་བ་དང་། དབང་དུ
201b7 གྱུར་པ་རྣམས་ལ་མི་འཇིགས་པ་རབ་ཏུ་སྦྱིན་པ་དང་། ཐབས་ལ་མཁས་པས་བསྡུ་བའི་སྦྱོར་བ་རིག་པ་དང་། རས་རིས་ཀྱི་ཆོ་ག་ད་ལྷ་གསུང་བའི་དུས་ལ་བབ་པར་དགོངས་ནས་བཅོམ་ལྡན་འདས་གསུང་དུ་གསོལ། དེ་སྐད
iiif viewer powered by OpenSeadragon
