| e-texts navigator |
| Wylie |
200b1 འཕགས་པ་སྤྱན་རས་གཟིགས་དབང་ཕྱུག་གི་སྟེང་དུ་དེ་བཞིན་གཤེགས་པ་འོད་དཔག་མེད་འདྲིར་གཞུག་པར་བྱ་སྟེ། རིན་པོ་ཆེའི་རིའི་ཕུག་སོར་བཅུ་དྲུག་པའི་ཚད་ན་བཞུགས་པ། ཁང་པ་བརྩེགས་པ་འདྲ་བའི་རི་བོའི
200b2 བྱ་སྒྲིབས་མཐོ་བ་འདྲིར་གཞུག་པར་བྱའོ། ། རས་རིས་དེའི་ཁོར་ཡུག་ཏུ་རི་བོའི་རྣམ་པས་ཡོངས་སུ་བསྐོར་བ་མངོན་པར་བྲིའོ།། རས་རིས་དེའི་སྟེང་གི་ཟུར་དུ་གན་པའིའི་བོའི་བྱ་སྐྱིབས་དང་ཀུན་ཏུ་འབྲེལ་བར་ལྡིང་བཞིན་པ་ལྟ་བུ།
200b3 མེ་ཏོག་སྣ་ཚོགས་འཐོར་བར་བྱེད་བཞིན་པའི་གནས་གཙང་མའི་རིས་ཀྱི་ལྷའི་བུ་དག་པ་དང་རྣམ་པར་དག་པ་ཞེས་བྱ་བ་གཉིས་འདྲིར་གཞུག་པར་བྱའོ།། རས་དེ་ལ་མེ་ཏོག་སྣ་ཚོགས་ཀྱིས་གཅལ་དུ་བཀྲམ་པ་མངོན་པར་འདྲིར
200b4 གཞུག་པར་བྱའོ། ། རས་རིས་རྣམ་གསུམ་མཚན་ཉིད་ནི།། ཐམས་ཅད་འདིར་ནི་བསྟན་པ་ལས།། འདི་ནི་ཆུང་ངུ་ཞེ་བྱ་སྟེ།། རས་རིས་ཕྲན་ཚེགས་ལས་ལ་ཤིས།། སྡིག་ལས་ཤིན་ཏུ་མི་བཟད་པ།། བསྐལ་པ་བྱེ་བ་སྟོང་ཕྲག་ཏུ།།
200b5 གང་ཞིག་བྱས་སམ་བྱེད་འགྱུ་བ།། རས་རིས་མཐོང་བས་གྲོལ་འགྱུར་ཏེ།། རས་རིས་མཐོང་བ་ཙམ་ཉིད་ཀྱིས།། སྐད་ཅིག་ཉིད་ལས་གྲོལ་བར་འགྱུར།། བསྐལ་པ་བྱེ་བ་སྟོང་ཕྲག་ཏུ།། བློ་ལྡན་སངས་རྒྱས་བསྙེན་བཀུར་བྱས།། རས
200b6 རིས་ཐ་མ་མཐོང་བ་ཡི། ། བཅུ་དྲུག་ཆར་པར་མི་ཕོད་དོ།། སངས་རྒྱས་སྐྱོབ་པ་ཐམས་ཅད་ལ།། མཆོད་བྱས་བསོད་ནམ་ས་གང་ཡིན་དེ།། རས་རིས་ཆུང་ངུ་མཐོང་བ་ལ།། མཁས་པས་དེ་ཡི་བསོད་ནམས་ཐོབ།། མཛེས་པ
200b7 ཡི་ནི་ལས་རྣམས་དང་། ། ལོངས་སྤྱོད་རྒྱུད་ཀྱང་འདི་སྤྱད་དོ།། རིག་དང་གསང་སྔགས་ཇི་སྙེད་པ།། ཚངས་དབང་དྲང་སྲོང་གིས་བཤད་དང་།། ནམ་མཁའ་ལྡིང་གིས་གང་བཤད་དང་།། ཆུ་ལྷ་ཉི་མ་ལུས་ངན་དང་།། ནོར་སྦྱིན་སོག
iiif viewer powered by OpenSeadragon
