| e-texts navigator |
| Wylie |
200a1 འབད་པ་མེད་པར་དངོས་གྲུབ་འགྲུབ་པར་འགྱུར་བ་སྟེ། སྔར་བསྟན་པ་ཉིད་ཀྱི་ཆོ་ག་དང་། བཟོ་བོས་བདེ་བར་གཤེགས་པའི་མཐོ་གང་གི་ཚད་ཙམ་ཐད་ཀར་དང་། དེ་བཞིན་ཁོ་ནར་ཀུན་ནས
200a2 གྲུ་བཞི་པ་ལ་སྔར་བཞིན་དུ་རས་རིས་སྔར་བསྟན་པའི་ཚོན་རྩི་རྣམས་ཀྱིས་འདྲིར་གཞུག་པར་བྱའོ། ། དང་པོ་རེ་ཞིག་བྱང་ཆུབ་སེམས་དཔའ་ཆེན་པོ་སེང་གེའི་གདན་ལ་སྐྱིལ་ཀྲུང་གིས་བཞུགས་པ། བྱིས་པ་ཁྱེའུ་སྔར
200a3 བཞིན་དུ་ཆོས་སྟོན་པར་མཛད་བཞིན་པ། ཀུན་ནས་འོད་ཟེར་འཕྲོ་བར་བྱེད་བཞིན་པ། མཛེས་པའི་གཟུགས་ཅན་འདྲིར་གཞུག་པར་བྱའོ།། གཡོན་གྱི་གཞོགས་སུ་འཕགས་པ་ཀུན་ཏུ་བཟང་པོ་རིན་པོ་ཆེའི་རྡོ་ལེབ་ལ
200a4 གནས་པ། ཕྱག་ན་རྔ་ཡབ་ཐོགས་པ། གཡོན་ན་ཡིད་བཞིན་གྱི་ནོར་བུ་ཐོགས་པ། ཁ་དོག་པྲི་ཡང་ཀུ་ལྟར་སྔོ་བསངས་སོ།། གཡས་ཀྱི་གཞོགས་སུའང་འཕགས་པ་སྤྱན་རས་གཟིགས་དབང་ཕྱུག་རིན་པོ་ཆེའི་རྡོ་ལེབ
200a5 ལེབ་ལ་གནས་པ། ཕྱག་ན་རྔ་ཡབ་ཐོགས་ཤིང་། ཕྱག་གཡོན་པས་པདྨ་བསྣམས་པ། ཀུན་ནཱ་འོད་དང་ལྡན་པའི་ལུས་ཅན། འཕགས་པ་སྤྱན་རས་གཟིགས་དབང་ཕྱུག་སྔ་མ་བཞིན་དུ་མངོན་པར་བྲི་བར་བྱའོ།།
200a6 སེང་གེའི་ཁྲིའི་འོག་ཏུ་གསེར་གྱི་རི་བོ་ཇི་སྲིད་རས་ཀྱི་མཐའི་བར་དུ་འདྲིར་གཞུག་པར་བྱའོ།། རས་རིས་ཀྱི་མཐའི་ཟུར་དུ་འཕགས་པ་སྤྱན་རས་གཟིགས་དབང་ཕྱུག་གི་སེང་གེའི་ཁྲིའི་འོག་ལས་གཡས་ཀྱི་གཞོགས་སུ་ཁྲོ་བོའི
200a7 རྒྱལ་པོ་སྒྲོལ་མས་ནོན་པ་སྔ་མ་བཞིན་དུ་འདྲིར་གཞུག་པར་བྱའོ། ། དེའི་འོག་ཏུ་སྒྲུབ་པ་པོ་ལག་ན་སྤོས་ཕོར་ཐོགས་པ་སྔ་མ་བཞིན་དུ་འདྲར་གཞུག་པར་བྱའོ།། དེ་ཐམས་ཅད་སྔ་མ་ཇི་ལྟ་བ་དེ་བཞིན་དུའོ།། དེ་ནས
iiif viewer powered by OpenSeadragon
