| e-texts navigator |
| Wylie |
19b1 འཛམ་བུའི་ཤིང་ལ་རབ་བསྲེགས་ནས།། རལ་གྲིའི་འོག་ཏུ་བཅུག་ནས་ནི།། ཡུལ་དབང་ཡང་ནི་དབང་དུ་འགྱུར།། ཚེ་རབས་བརྒྱ་རུ་ལོན་པའི་དུས།། མཚོན་གྱིས་བསྣུན་པའི་རུས་པ་དག། གསང
19b2 སྔགས་རབ་ཏུ་བཟླས་བྱས་ནས། ། སྐྱེར་བའི་མེ་ལ་རབ་བསྲེགས་ཏེ།། ལྕགས་ཀྱུའི་འོག་ཏུ་རབ་བཅུག་ན།། གླང་པོ་དབང་དུ་འགྱུར་བར་བྱེད།། བ་ལེ་ཏ་དང་ཏེ་ལེ་ཤ།། ཁ་ཏི་ར་དང་དྷ་ཏི་མ།། དུར་ཁྲོད་ཤིང
19b3 ལ་རབ་བསྲེགས་ན། ། སྟག་ལ་སོགས་པ་དབང་དུ་འདུ།། ནས་དང་འབྲས་དང་སོ་བ་དང་།། སྨན་དང་རིན་ཆེན་སྣ་ཚོགས་དང་།། མཎྜལ་ཟླུམ་པོ་ལེགས་བྱས་ཏེ།། རྒྱན་རྣམས་རྫོགས་པའི་སངས་རྒྱས
19b4 ནི། པདྨ་ཆུ་ཤེལ་ལས་སྐྱེས་པའི།། ཆུ་ཤེལ་མདོག་དང་འཛུམ་དང་བཅས།། རྡོ་རྗེ་སྐྱིལ་མོ་ཀྲུང་བཅས་བཞུགས།། ཀུ་ཤའི་སྟན་ལ་ཤར་དུ་འདུག། པདྨའི་ཕྱག་རྒྱ་བཅས་པ་ཡིས།། བྱམས་པའི
19b5 སེམས་ཀྱིས་དབུལ་བར་བྱའོ། ། ནད་དང་རིམས་དང་འབྲུམ་བུ་དང་།། ཤུ་བ་གཡན་པ་མེ་དཔལ་དང་།། ནད་དང་གདོན་དང་ཐམས་ཅད་ཟློག། མཚམས་མེད་ལྔ་དང་མི་དགེ་ལྔ།། འབྲས་བུ་སྡུག
19b6 བསྔལ་ཐམས་ཅད་ཟློག། མེའི་ལས་ཀྱི་ལེའུ་སྟེ་ལྔ་པའོ།། ། དེ་ནས་རྒྱལ་པོས་འཇིགས་པ་ཡི།། མཎྜལ་དཀར་པོ་ལེགས་བྱས་ལ།། ཙན་དན་དཀར་པོའི་དྲིས་བསྒོས་ཏེ།
19b7 མཆོད་ཡོན་མེ་ཏོག་བཀང་བ་དང་།། ཅི་འབྱོར་པ་ཡི་མཆོད་པ་ཡིས།། རྒྱལ་པོ་ལྟ་བུའི་གཟུགས་ལ་མཆོད།། སྡིག་པ་ཐམས་ཅད་དེ་མདུན་དུ།། བཤགས་ནས་མྱུར་དུ་སྐྱབས་སུ་འགྲོ།། གྲོ་ག་དག
iiif viewer powered by OpenSeadragon
