| e-texts navigator |
| Wylie |
199a1 མཐའི་གྲཝའི་ཕྱོགས་གཅིག་ཏུ་སྒྲུབ་པ་པོ་ཆ་བྱད་དང་དབྱིབས་ཇི་ལྟ་བའི་རྣམ་པ་པུས་མོ་དང་མགོ་བོ་བཏུད་པ། ལག་པ་སྦོས་ཕོར་ཐོགས་པ་འདྲིར་གཞུག་པར་བྱའོ།། རིན་པོ་ཆེའི་རི་བོ་དེ་ལ་འཕས
199a2 བ་སྤྱན་རས་གཟིགས་དབང་ཕྱུག་གི་འོག་ཏུ་ཁྲོ་བོའི་རྒྱལ་པོ་སྒྲོལ་མས་ནོན་པ་སྔར་ཇི་ལྟར་ངེས་པར་བསྟན་པ་དེ་བཞིན་དུ་མངོན་པར་བྲིའོ། ། བཅོམ་ལྡན་འདས་ཀྱི་གཡོན་གྱི་གཞོགས་ཀྱི་སེང་གེའི་ཁྲིའི་འོག་ཏུ་འཕགས་པ་སྤྱན་རས
199a3 གཟིགས་དབང་ཕྱུག་གི་ཞབས་ཀྱི་དྲུང་དང་ཉེ་བ་དེར་རིན་པོ་ཆེའི་རི་ལ་བཞུགས་པའི་ལྷ་མོ་སྒྲོལ་མ་མངོན་པར་བྲི་སྟེ། སྔར་ཇི་ལྟར་ངེས་པར་བསྟན་པ་དེ་བཞིན་དུ་འདྲིར་གཞུག་པར་བྱའོ།། རས་དེའི་ཁོར་ཡུག་ཏུའང་མེ་ཏོག་སིལ་མ
199a4 མངོན་པར་གཏོར་ཏེ། ཙམ་པ་ཀ་དང་། ཨུཏྤ་ལ་སྔོན་པོ་དང་། པདྨ་དང་། སོའུ་གནྡྷི་ཀ་དང་། མཱ་ལཱ་ཏཱི་དང་། བི་རཱ་ཀ་དང་། དྷཱ་ནུ་ཀཱ་རཱི་ཀཱ་དང་། པུནྡ་ག་དང་། ན་ག་གེ་སར་ལ་སོགས་པའི་མེ་ཏོག་རྣམས་ཀྱིས་ཁོ་ར་ཁོར་ཡུག
199a5 ཏུ་གཅལ་དུ་དགྲམ་པར་བྱའོ། ། རས་ཀྱི་སྟེང་རས་ཀྱི་མཐའི་གྲཝ་གཉིས་སུ་ལྷའི་བུ་གཉིས་མེ་ཏོག་གི་ཚོགས་འཐོར་བར་བྱེད་བཞིན་པ། གཟུགས་རྣམ་པར་བཀྲ་བ། བར་སྣང་ལ་གནས་པའི་ཆར་སྤྲིན་གྱི་ནང་ན་ལྡིང་བ།
199a6 ཁ་དོག་དཀར་པོར་མངོན་པར་བྲི་བར་བྱའོ།། འདི་ནི་རས་རིས་འབྲིང་པོར་བརྗོད།། རྟག་ཏུ་དགེ་ལེགས་དོན་འབྱུང་བ།། ས་སྟེང་སྐྱེ་བོ་མི་རྣམས་ལ།། དངོས་གྲུབ་འབྲིང་པོ་སྦྱིན་པར་བྱེད།། འཁོར་བར་ཀུན་ཏུ་འཁོར་བ་ན།།
199a7 སྡིག་པ་ཅུང་ཟད་སྔོན་བྱས་གང་།། འདིར་ནི་བྲིས་སྐུ་མཐོང་བ་ཡིས།། དེ་ཡིས་སྐད་ཅིག་ཉིད་ལ་འཇིག། སེམས་ཅན་རྨོངས་པ་མི་ཤེས་པ།། དེ་རྣམས་འགྲོ་བ་ལྔ་པོར་འཁྱམས།། གང་ཞིག་བྱང་ཆུབ་སེམས་དཔའ་ཡི།། བྲིས་སྐུ།།
iiif viewer powered by OpenSeadragon
