| e-texts navigator |
| Wylie |
196b1 བགེགས་ཀུན་རྣམ་པར་འཇོམས་དོན་དུ།། སྒྲུབ་པ་པོ་ནི་ཀུན་ཏུ་འདོད།། མི་དབང་རྣམས་ནི་སྲུང་དོན་དང་།། དཔལ་གྱི་དོན་དུ་རབ་ཏུ་གྲགས།། ཁྲོ་རྒྱལ་དབང་པོ་གང་ཡིན་དེ།། རི་ཡི་རྩེ་མོར་གནས་འདོད་པ།། བགེགས་ཀུན
196b2 རྣམ་པར་གཞིག་པའི་ཕྱིར། ། རྒྱལ་མཆོག་སྲས་རྣམས་ཀྱིས་གསུངས་སོ།། དྲག་པོ་ཆེན་པོ་བརྩོན་འགྲུས་ཆེ།། གཏུམ་ཆེན་འོད་ཟེར་ཆེན་པོ་སྟེ།། བསྟན་པ་ལ་སྡང་སེམས་ཅན་རྣམས།། ཚར་གཅད་ཆེད་ཉིད་རབ་ཏུ
196b3 བརྟག། སྒྲུབ་པ་པོ་ནི་སྲུང་དོན་དང་།། བགེགས་རྣམས་ཐམས་ཅད་འཇོམས་པ་དང་།། མི་བཟང་ཁྲོ་བོའི་ངང་ཚུལ་ཅན།། སྔགས་ཀྱི་ལྷ་རྣམས་འགུགས་པར་བྱེད།། ཤིན་ཏུ་དྲག་པོ་དྲག་གཟུགས་ཅན།། བརྩེ་བ་མེད་ཅིང་ངེས་པར
196b4 འགོག། སྡིག་པ་དྲག་པོ་སྤྱོད་པ་རྣམས།། དབང་དུ་མ་གྱུར་དབང་དུ་བྱེད།། མཁའ་སྤྱོད་ས་ལ་སྤྱོད་པ་དང་།། ཀུན་ནས་འོག་སྤྱོད་པ་དང་།། ཐུབ་པའི་བསྟན་ལ་འགལ་བྱེད་པའི།། གདུག་པ་ཐམས་ཅད་འཇོམས་པར
196b5 བྱེད། རས་ནི་ཀུན་ནས་གྲུ་བཞི་དང་།། གྲཝ་བཞི་དག་ཏུ་བྲི་བར་བྱ།། རས་ཀྱི་འོག་གི་མཐའ་རྣམས་སུའང་།། ཆུ་བོ་རྒྱ་ཆེར་བྱ་བ་ཡིན།། ཀླུ་ནི་གདེངས་ཀས་མཚན་པ་ཅན།། གཅིག་ཉིད་ཀུན་ཏུ་བྱ་བ་ཡིན།། ཡན་ལག
196b6 དཀར་ཞིང་བཟང་བ་དང་། ། ལུས་ཕྱེད་མི་ཡི་རྣམ་པར་སྐྱེས།། རྟག་ཏུ་ཐལ་མོ་སྦྱོར་བྱེད་པ།། མགོ་བོའི་སྟེང་དུ་བཞག་བྱས་ནས།། གདེངས་ཀ་བདུན་པ་བརྩོན་འགྲུས་ཆེ།། དབང་ཆེན་ལྡན་པའི་ཀླུ་དེ་ནི།། མིང་ནི་མཐའ
196b7 ཡས་ཞེས་བྱ་ཡིན། ། དེ་བཞིན་གཤེགས་ལ་ངེས་པར་བལྟ།། ནོར་བུ་རིན་ཆེན་གྱིས་མཛེས་ཤིང་།། ཤིན་ཏུ་མཛེས་ཤིང་གཟུགས་མཛེས་པ།། རིན་ཆེན་རྒྱན་གྱིས་རྣམ་པར་བརྒྱན།། འབར་བའི་འཕྲེང་ལྡན་ཀུན་ཏུ་བྲི།།
iiif viewer powered by OpenSeadragon
