| e-texts navigator |
| Wylie |
196a1 རང་བཞིན་གྱི་རྩེ་མོའི་རྣམ་པར་བྲི་བར་བྱའོ། ། དེ་ལ་བརྟེན་པའི་ལྷ་མོ་སྤྱན་རས་གཟིགས་དབང་ཕྱུག་གི་ཐུགས་རྗེ། འཕགས་མ་སྒྲོལ་མ་ལུས་རྒྱན་ཐམས་ཅད་ཀྱིས་བརྒྱན་པ། དར་ལ་དམར་པོའི་སྟོང
196a2 གཡོགས་དང་། དརལ་ཁྲ་བོའི་ཤམ་ཐབས་ཅན། བུད་མེད་ཀྱི་རྒྱན་ཐམས་ཅད་ཀྱིས་རྣམ་པར་བརྒྱན་པ། ཕྱག་གཡོན་ན་ཨུཏྤལ་སྔོན་པོ་བསྡམས་པ། གསེར་མདོག་ཅན་མ། ཧ་ཅང་མི་སྐེམ། ཧ་ཅང་མི་སྦོམ།
196a3 ཅང་མི་རྒན་པ། སེམས་བསམ་གཏན་ལ་གནས་པ། བཀའ་ནོད་ཅིང་འདུག་པ། ཕྱག་གཡས་པས་མཆོག་སྦྱིན་པར་འདོད་པ། ལུས་ཅུང་ཟད་བཏུད་པ། སྐྱིལ་མོ་ཀྲུང་གིས་ཉེ་བར་འདུག་པ། འཕགས་པ་སྤྱན་རས
196a4 གཟིགས་དབང་ཕྱུག་ལ་ཅུང་ཟད་ལྟ་བར་གྱུར་པ། ཀུན་ནས་འབར་བའི་འཕྲེང་བས་ཡོངས་སུ་བསྐོར་བའོ།། དེ་ཉིད་དུའང་རིན་པོ་ཆེ་བཻ་ཌཱུཪྻའི་རྩེ་མོ་དེ་ཉིད་དུའང་པུནྡྷ་གའི་ཤིང་གིས་ཡོངས་སུ་བསྐོར་བ། ཡལ་ག་ཐམས
196a5 ཅད་ལ་ཀུན་ནས་མེ་ཏོག་གིས་སྤྲས་ཤིང་ཁ་བྱེ་བར་གྱུར་པས། བཅོམ་ལྡན་འདས་མ་སྒྲོལ་མ་ལ་མངོན་པར་བཀབ་པ། ཡལ་གདུད་པ་དེ་ཉིད་ཀྱིས་ཀྱང་ཤིན་ཏུ་བཀྲ་བའི་བྱུ་རུའི་མྱུ་གུ་འབྲེལ་བ་རྣམ་པར་བཀྲ་བའི་གཟུགས
196a6 ཅན་གྱི་ཚོན་རྩི་འབར་བ་ན་ལྷ་མོ་སྒྲོལ་མའི་བཞིན་ཀུན་ཏུ་སྣང་བར་མངོན་པར་བྲིའོ། ། ལྷ་མོ་བགེགས་ཀུན་འཇོམས་པ་མོ།། འཇིགས་པ་འཇོམས་པར་བྱེད་པའི་མཆོག། སྒྲུབ་པ་པོ་ནི་སྲུང་དོན་དུ།། མཆོག་སྦྱིན་དགེ་བ་བྲི
196a7 བར་བྱ། བུད་མེད་གཟུགས་འཆང་ལྷ་མོ་ནི།། ཐུགས་རྗེ་སྟོབས་བཅུ་ལྡན་པའི་སྲས།། འབྱུང་པོ་ཀུན་གྱི་དཔལ་ཡིན་ཏེ།། མཆོག་སྦྱིན་བྱེད་མ་བྲི་བར་བྱ།། ལྷ་མོ་ལས་ཆེན་བྱེད་པ་མོ།། བྱང་ཆུབ་སེམས་དཔའ་འོད་ཆེན་པོ།
iiif viewer powered by OpenSeadragon
