| e-texts navigator |
| Wylie |
195b1 པའི་རིན་པོ་ཆེའི་ཤིང་དང་། དྲང་སྲོང་ཆེན་པོ་ཉེ་བར་གནས་ཤིང་བསྙེན་པའི་རི་བོ། དེའི་སྟེང་དུ་ཁྲོ་བོའི་རྒྱལ་པོ་སྒྲོལ་མས་ནོན་པ་དྲག་པོ་ཆེན་པོའི་གཟུག་ཅན། ཕྱག་གཡོན་པས་ཞགས་པ་བཟུང་ནས། གཡས་པས་བྱུ
195b2 པ་འཛིན་པ། བཞིན་ཁྲོ་གཉེར་ཅན།། བྱང་ཆུབ་སེམས་དཔའ་ཆེན་པོ་ལ་ལྟ་ཞིང་བཀའ་ནོད་པར་བྱེད་བཞིན་པ། གསུས་པ་རློབ། སྤུ་གྱེན་དུ་བརྫེས་པ། མིག་སྨན་ནག་པོ་དང་སྤྲིན་དང་མཚུངས་པ། ཨག་ཚེམ་སེར་རྒྱ
195b3 དང་སྒྲ་རིང་ཞིང་སེན་མོ་རིང་བ། མིག་དམར་བ། མགྲིན་པའི་ཕྱོགས་སྦྲུལ་གྱིས་བརྒྱན་པ། སྟག་གི་པགས་པའི་ཤམ་ཐབས་ཅན། བགེགས་ཐམས་ཅད་རྣམ་པར་འཇོམས་པ། ཆེས་མི་བཟད་པ་ཆེན་པོ། ཁྲོ་བོའི་རྒྱལ་པོ
195b4 ཆེན་པོ། ཀུན་ནས་འབར་བ། ཁྲོ་བོའི་རྒྱལ་པོ་སྒྲོལ་མས་ནོན་པ་རྣམ་པ་འདི་ཉིད་ཁོ་ནས་བྲི་བར་བྱའོ།། དེའི་འོག་ཏུ་རལ་པ་ཅན་དེ་དང་དེའོ།། རི་དེའི་འོག་ཏུ་རྡོའི་སྟེང་དུ་ཉེ་བར་འདུག་པ། པུས་མོ་ས་ལ་འདུད་པའི་ལུས་ཅན
195b5 ལག་པ་སྤོས་ཕོར་ཐོགས་པ། ཆ་བྱད་དང་། དབྱིབས་དང་། འཇུག་པ་དང་། སྤྱོད་པ་ཇི་ལྟ་བ་བཞིན་དུ་བྱས་པ། འཕགས་པ་འཇམ་དཔལ་ལ་ལྟ་བར་གྱུར་པ་ཡང་དག་པར་བྲིའོ།། བཅོམ་ལྡན་འདས་ཤཱཀྱ་ཐུབ་པའི་འོག
195b6 གཡས་ཀྱི་གཞོགས་སུ་ཀླུའི་དབང་པོའི་རྒྱལ་པོ་དགའ་བོ་དང་ཉེ་ལོགས་སུ་པདྨའི་མཚོ་ལས་མངོན་པར་འཕགས་པའི་རིན་པོ་ཆེའི་རིའི་དབང་པོའི་རྒྱལ་པོ་གཞན་གསུངས་པ་དེ་བཞིན་དུ་གནས་པ་མངོན་པར་བྲི་སྟེ། ཁྲོ་བོའི་རྒྱལ
195b7 པོསྒྲོལ་མས་ནོན་པ་ཕན་པ་ལྷའི་མེ་ཏོག་གཅལ་དུ་བཀྲམ་པ་མངོན་པར་བྲི་སྟེ། རི་དེ་ནི་སྤྱན་རས་གཟིགས་དབང་ཕྱུག་གི་འོག་ཏུ་བྲིའོ།། རི་དེ་ནི་ཤིན་ཏུ་མཐོ་བ། པདྨ་རཱ་གའི་རྡོ་ལེབ་དང་། དེ་ཉིད་ཀྱི་མྱུ་གུ་དང་བཻ་ཌཱུཪྻའི
iiif viewer powered by OpenSeadragon
