| e-texts navigator |
| Wylie |
194b1 པར་བྲི་བར་བྱའོ། ། འཕགས་པ་འཇམ་དཔལ་ལ་མངོན་པར་གཟིགས་བཞིན་པ་ཀུན་ནས་འོད་ཅན་རིན་པོ་ཆེའི་འོད་རྣམ་པར་འཕྲོ་བའི་མཐར་ཐུག་པའོ།། གསུམ་པ་ལ་དེ་བཞིན་གཤེགས་པ་སཱ་ལའི་དབང
194b2 པོའི་རྒྱལ་པོ་ངོན་པར་བྲི་བར་བྱ་སྟེ། པདྨའི་གེ་སར་གྱི་མདོག་ཏུ་སྣང་བ། ཆོས་སྟོན་པར་མཛད་བཞིན་པའོ།། བཞི་པ་ལ་དེ་བཞིན་གཤེགས་པ་སྤྱན་བཟང་མངོན་པར་བྲི་བར་བྱའོ།། ལྔ་པ་ལ་བཟོད་པར་དཀའ
194b3 བའོ། ། དྲུག་པ་ལ་རྣམ་པར་སྣང་མཛད་རྒྱལ་བའོ།། བདུན་པ་ལ་སྨན་གྱི་བླ་བཻ་ཌཱུཪྻའི་འོད་ཀྱི་རྒྱལ་པོའོ།། བརྒྱད་པ་ལ་དེ་བཞིན་གཤེགས་པ་སྡུག་བསྔལ་ཐམས་ཅད་རབ་ཏུ་ཞི་བར་བྱེད་པའི་དབང་པོའི་རྒྱལ་པོ
194b4 མངོན་པར་བྲི་བར་བྱ་སྟེ། ཐམས་ཅད་གསེར་གྱི་ཁ་དོག་ཅན། དེ་བཞིན་གཤེགས་པའི་སྐུའི་རྣམ་པ་མི་འཇིགས་པ་སྦྱིན་པར་མཛད་པའོ།། དེ་བཞིན་གཤེགས་པ་རྣམས་ཀྱི་སྟེང་དུའང་བྲིས་སྐུའི་ཟུར་གཉིས་ཀ་ནས
194b5 སྤྲིན་གྱི་གོ་བར་ན་གནས་པའི་གནས་གཙང་མའི་རིས་ཀྱི་ལྷའི་བུ་གཉིས་མེ་ཏོག་གི་ཆར་འབེབས་པར་བྱེད་བཞིན་པ་བྲིའོ། ། བར་སྣང་ལ་གནས་ནས་སངས་རྒྱས་དང་། བྱང་ཆུབ་སེམས་དཔའ་དང་། རང་སངས་རྒྱས
194b6 དང་འཕགས་པ་ཉན་ཐོས་ཐམས་ཅད་ལ་ཕྱག་འཚལ་བར་བྱེད་བཞིན་པ་མངོན་པར་བྲི་བར་བྱའོ། ། རང་སངས་རྒྱས་རྣམས་ཀྱི་བྱང་དུ་འཕགས་པ་ཉན་ཐོས་ཆེན་པོ་བརྒྱད་བྱང་ཆུབ་སེམས་དཔའ་རྣམས་ཀྱི
194b7 དབུའི་གནས་སྤངས་པའི་སྟེང་དུ་མངོན་པར་བྲི་བར་བྱའོ། ། འདི་ལྟ་སྟེ། གནས་བརྟན་ཤཱ་རིའི་བུ་དང་། མོའུ་འགལ་གྱི་བུ་ཆེན་པོ་དང་། འོད་སྲུངས་ཆེན་པོ་དང་། རབ་འབྱོར་དང་། སྒྲ་གཅན་འཛིན་དང་།
iiif viewer powered by OpenSeadragon
